MAZMUR 19:11 - ALLAH NIHYET MEM TUNGWATU NYA

¹¹ tuhan nikos tutti nya bon ninyeng ba, brim ingon nindig bibor leu mas di indig kep hum bipimbai kei. Gima yok nyop kei dor njiriek ahwei lon ningei di pimbai kei.

MAZMUR 19:11 ပူးပေါင်းရင်းမြစ်များ

NIBOHON MBEN ISRAEL GI NICAN 19:10

Mpe dino jisut bat nya leu minu ndig hi ipai sut munhyet nihwen mun kin nitunggwei Allah nicuk nyeti nya kin nikos tutti di jo tu nya bije lene ma jipingok ingonti tut gi igyai munti nya ndo bindo di kei tirigi igya ei nikei noho bei. Gi nok lene yoni migyai mun tunggwei sut tuhan bi. Gi bi lene tuhan migga jeni kin jide limwa nya. Gino jibit Nide nicuk jeti dini lene mijiyai mun tunggwei hi bi.

MAZMUR 119:103

Ahyet ui-gwang kei ba, nyop kei dor njiriek ahwei lon ningei cem!

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 119:72

Nikos tutti di ayai bida bon ninyeng dor njiriek mas kin perak ei dihyeisi dini hagom.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 24:14

bindo tut ningon kiti di nyop kei mem ade niyaijoti ri. Gino ama ningon kiti bou na lene gima biyai angon nggei-hi-nggei ei nidipti bu.

NIPINGOK NINGONTI 29:18

Gino timiei minu hi ikou sut tuhan nibie tut yokti lene yahagom igyok nisinsiou ei yamti. Noro yo di ibit tuhan nikos tutti nya ingon nggei-hi-nggei.

YEHEZKIEL 3:3

Noni pai bida bu “Na di tungwatu di ayaijo kikau bi e, ayem srat kijum dini di diyai bina hak ug. Apwoi srat kijum ei anghopti.” Lene diyem srat dima bingwig lo, nyop bidem ahwei lon ningei ei dinsi.

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

MATIUS 6:18

Leu binhyepo hiter ingat jide niyem njita bi mem nituti poi dima bi. Noro Jicig nyo kug di bit bon tungwatu nya ingat bou igyai him bi Nongkom ngat je tut jiyai munti dima. Leu api Jicig di ngat jiyai munti di jo nding bou niyai him mibindei ba, jimuhup tau bije.”

MATIUS 6:4

Apino mun di jibingondut yo dima mijo nding leu tungwatu nya igyai him. Jicig di ngat mun di jo nding hagom bou niyai him mibindei ba, jimuhup tau bije.”

MATIUS 6:6

Noro tirigi je jingat nadi lene ma jicoi ug ei jide nghim nsi ba, jinggam mbou ser je leu api jingat nadi bak Jicig di tungwatu nya ingat bou igyai him bi. Apino Jicig di ngat mun di jo nding hagom bou niyai him mibindei ba, jimuhup tau bije.

KISAH 20:31

Gima rino ma jiya ser jenti! Ma jiyok ngon kep bipia diba diyai nggwei di kibor bingginau bibikwop jahagom bikwop mmun-njap kikau mem ari bingwam ningai. Dikes dinda tut midyai dime bi sren.

KORINTUS GI NIGOM 4:14

Dipas kep srat bokti dini bak jeni leu binhyepo dibinim kep je bi noro dibipingok jingonti tereu nok jinok dimunggwom bat di dingon ngakei yok nya.

TESALONIKA GI NIGOM 5:14

Disut bat jen, nitigtai je leu binhyepo jiba jingon di kwes bisok kep yo di inghen nya ba, jibiwin kep yo di ingwes mien ingonti. Ma jimpu yo di isindem bi nya ba, jingon jo nyahan tut yahagom.

IBRANI 11:26

Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YOHANES GI NICAN 1:8

Ma jingon sok kep jenti ser nhyema mun po nicom nahanggwap tut sar hanyen bi. Ma jibrim jingkek leu binhyepo jiyai jimuhup titut leu Allah.

NINGAT-HI-NGAT NYA 14:13

Leu api dimiap nihyet gom di tibim kwei leu gwamti bipai “Apas kep gini. Hon kep nogondini ne yo di inda jo kep midyai di igyai mem Allah di igyai nimai hon kep ammani kui drek dip midyai dima ingon nggei-hi-nggei.” Allah Ninnei buhup “Igbit ri! Yo dima miba ingon di llei bibor bikes inda tut ide midyai di buhun bibor lene ningat di kei di ntun yok him bram yok.”