MAZMUR 18:7 - ALLAH NIHYET MEM TUNGWATU NYA

⁷ Dingat rin ei mun di buhun tak dati bibor. Gima rino dahara Na di tuhan. Dahara ditde Allah leu binhyepo Noni mimpu da. Mpe dima lene Noni gwam ei Nide Ig bimiap kep dihyet biyok nitingou kep ditde nahara Noti.

MAZMUR 18:7 ပူးပေါင်းရင်းမြစ်များ

MAZMUR 34:16

tuhan nyohou yo di ingon sren bingig nitingou mem ighyet tirigi yahara Noni.

MAZMUR 34:18

Yo di ingon sren nya yahara tuhan leu api Noni buhup ighyet biteu yok leu mun di buhun tak yok hagom.

MAZMUR 39:13

tuhan e, amiap kep ditde nadi di dingat bak Nani. Angig atingou mem nadi di dahara bak Nani. Gino dipim lene ma agwam hak ba, ammou he au. Digwam bit Na mem nituti poi noyam kin didigup bat-didigai bat nya.

MAZMUR 40:2

Doom dingon bidimem kep ser tuhan di mpu da leu api Noni yok ngon kep da bimiap kep dihyet.

MAZMUR 46:2

Allah ne mpia di igya coi ba, ide nisindemti cem ri. Noni yai nibou tut gima mpu nye ei mpe dino mun di buhun bibor cut igkep nye.

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

HABAKUK 3:10

Tirigi nungug him nya ingat Na lene ingon digit ba, biget mbras kwei leu mpia-bbed him. Minyei ei dihyei jou nibimbi bong nindig bibor bitti bram yam bidwoi bibor.

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.

ZAKHARIA 14:4

Njap dima dem ne Noni miya ei Nungug Zaitun dip ei minu ndig Yerusalem ei nite bei mpia nipriti. Leu api Nungug Zaitun nonti miki hacan binok briep ndig di nyan bibor di jo leu bei mpia nipriti buug ninno bipek kin nite bei mpia nicutti. Nungug dima nite hi mison ei nite bei mpia nijjai ba, nite hi bu mison ei nite bei mpia nibiho.

MATIUS 28:2

Idrui sut gi dihyei mun brim kros nindig bibor ba, Tuhan de malaikat gom juk kwei leu gwamti leu api rim tig mma leu jui dip bigwam dip.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

NIJAM NIKEI NYA 5:4

tuhan e, tirigi po akwei leu nungug him ei Seir ba, akes minu Edom bijo ei lene dihyei ugwa-kwei ba, dimbou ei mpia-bbed him kau apino mpia but nindig bibor cem tu.