MAZMUR 18:45 - ALLAH NIHYET MEM TUNGWATU NYA

⁴⁵ Ngkiai nya ibou cut bidani. Gino imiap dicukti nya lene ice tut bibit hak ug.

MAZMUR 18:45 ပူးပေါင်းရင်းမြစ်များ

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

SAMUEL GI NICAN 8:6

Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 81:16

Midihwen yo di ingon koi kep Da bidibindei ba, icut biDa. Midikes hukum bijo ninno bijo kikau ei yok dip.

YESAYA 24:4

Dihyeisi dini mui bijet ba, mpia-bbed him kin dihyeisi dini hacem inggwen sur yam.

MIKHA 7:17

Yoni miba inghop bikak dihyei ei dihyei ndungti noyam kin wou di srei ba, ikes ide ig tentara nibousi di igya coi nya ei leu api iba ingon di digit kin ingwes mien binduk yam kwei ndam nyende tuhan Allah.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

YAKOBUS 1:11

Mpe dino mpia pri ba, wam bibor leu api mitou millet bimui hak leu lene hi mingat nisieng bu bi. Nok gima cem tut no di nyeng. Noni misar tirigi ninda jo kep nide midyai nya.

NINGAT-HI-NGAT NYA 6:16

yahara nungug kin tring behei nya “Ma jitti bijisu kep nye leu No di gwam banggo mbrei dip niyai him cem leu Domba Pmot di gga nye biborti cem.