MAZMUR 18:41 - ALLAH NIHYET MEM TUNGWATU NYA

⁴¹ Abindei ba, ditde siceu nya ikiju binang leu da apino dibindei sar yo di iba nitok bida cem yahagom.

MAZMUR 18:41 ပူးပေါင်းရင်းမြစ်များ

AYUB 27:9

Mpe dino mun di buhun cut igkep noni lene Allah mimiap naharati e? E bi!

MAZMUR 118:10

Siceu nya imang bibor ingwig ttai da noro dihwen yok bicut bingwig tug hon nisindemti di tuhan yai bida.

MAZMUR 118:11

Yoni igya bigyon ttai da noro dihwen yok bicut bingwig tug hon nisindemti di tuhan yai bida.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

NIPINGOK NINGONTI 1:28

Mpe dima lene mijahara da noro midibuhup jihyet bi. Mijinggok ser da bidem minu noro mijittau kep da bi.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YEREMIA 11:11

Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

HOSEA 7:14

Ingat nadi mungkun kei biDa bi. Tirigi ingat nadi ne injei yonti ug ei bilen di ibongti ba, iba nipim kui jeisi bingat nadi noyam kin yo di iba ingon com Da bi nya ibon kikepti. Tirigi yahara gandum kin ba anggur ngei ne ibindei yonti bibok noyam kin yo di ikuk yok bak kwar nya ibon kikepti. Ihwen bit Da nijit-jau a!

MIKHA 3:4

Jei bi ne jahara tuhan bikwei mpu je noro Noni kou sut gima buhup jihyet lewo jirom je kep jiyai munti di mbuk bibor nya.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

LUKAS 13:25

Ig niceu mikiju binggam mbou leu api je di jiya igbit nisai mijipuk-puk nyen dimbou bijahara ‘Andigpoi e, akau dimbou leu nye o!’ Noro noni mibuhup ‘Dikan tut jikwei leusi bi.’

YOSUA 10:26

Lene Yosua yai nimai bak nibou ndig dima yok yahagom leu api pindur ingut nya ei cou dihim muhwiti kikau bipek mmunti.