MAZMUR 18:35 - ALLAH NIHYET MEM TUNGWATU NYA

³⁵ Noni ngginau da leu binhyepo dikon pran kan apino diba ditde tibor di sindem bibor bicom bisinei.

MAZMUR 18:35 ပူးပေါင်းရင်းမြစ်များ

SAMUEL GI NICAN 22:36

tuhan e, anyohou dani ba, ateu da bidingwes ngun. Aba Ade nisindemti bahati tut da cem abindei ba, Ade nibon munti dima bindei hei da bidinok no di sindem bibor dor njiriek nindigsi nya.

MAZMUR 144:1

Doia Daud. Ma jikon tuhan di ya srak ko hagau da ninyenga! Noni pingok da tut nihwen munti bingginau da tut nikon pranti.

MAZMUR 17:7

Ando tut ade ningon ngakeisi di bindei ninggap leu sutti a. Lewo ateu yo di igwam coi Nani ba, ingwes ngun. Nok gino ide siceu ipi bihwen yok lo, yo di igwam kui Na ingon jo nyahan.

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 5:12

Noro ma asindui sut ba, yo di igwam coi Nani yahagom ingon nggei-hi-nggei hak ug ba, igyai nillei bijo ninno bijo kikau. Anyohou yo di ingon ngakei Nani leu binhyepo igyai nillei tug hon Nani.

YESAYA 22:3

Jide nibou pran nya yahagom inang ba, siceu nya ikat yok nipou tirigi ide tibor tibim bigyo. Mbro nok gino tentara ade di isindem nya inang biyuug ei minu ting lo, siceu nya ikat yahagom ba, isima tu.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”