MAZMUR 18:29 - ALLAH NIHYET MEM TUNGWATU NYA

²⁹ Ditde tuhan Allah e, atin ditde mini njeng binjeng kei ba, Ade ninjeng piga ditde nidinditi.

MAZMUR 18:29 ပူးပေါင်းရင်းမြစ်များ

SAMUEL GI NICAN 22:30

Asindem tut da leu binhyepo dicok tut ditde siceu nya. Dicut ide tentara nibousi di igya coi leu ba, diyai bidiyati tug hon ditde Allah di mpu da.

SAMUEL GI NICAN 5:25

Lene Daud yai hagom bit leu nok tuhan nicuk noti bijji Filistin nya leu Geba kikau ug ei Gezer bibindei ba, igyai nimai.

AYUB 29:3

Noni mpu kep dani bikwop mmun-njap. Mpe di dimbut mem nidinditi lene nide nipigati piga digai dimbutti nya.

MAZMUR 144:1

Doia Daud. Ma jikon tuhan di ya srak ko hagau da ninyenga! Noni pingok da tut nihwen munti bingginau da tut nikon pranti.

MAZMUR 144:10

Abindei ba, nibou ndig nya ibindei timek ide siceu nya ba, abikwek Ade awak di dani cem.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KOLOSE 2:15

Kristus ba Nide biei salip bibindei ba, ninnei nya di inyeng tak kep mpia-bbed him kin dihyeisi dini isindem bu bi. Noni bimangkrei yok bindo yok brei ba, ittei yam kui-juk nyen nok nimpung di isima drek dip Kristus nibindei cut yokti.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.

SAMUEL GI NIGOM 17:49

Noni hit tig njep gom leu nide minaisi bikes ei bikumsikik pimati lene biprindei Goliat. Tig dima ndei Goliat ningwak bibindei ba, nibou ki leu api tti biba ningwak bikik dihyei bimai nimbiam.

SAMUEL GI NIGOM 23:2

Lene Daud hig ser tuhan “Gino duug kon pran bit mben Filistin lene gima bit leu angon kanti mem da e?” Lene tuhan buhup “I, ma aug kon pran bit yok ba, abiteu timiei Kehila leu mben Filistin inda nsi hak ug.”

SAMUEL GI NIGOM 30:8

Lene Daud hig ser tuhan “Suar duhuk bram siceu dima yok e? Gino duhuk bram yok lene midahatap yok bidikat yok e?” Lene tuhan buhup “I, ahuk bram yok hak ug. Leu mporo ahatap yok lene ateu nimpung di ikat yok di yuug sut yok dima bingwes ngun leu siceu inda nsi hanyen ug ri.”