MAZMUR 18:27 - ALLAH NIHYET MEM TUNGWATU NYA

²⁷ Ando tut angon di kwes-kwau bak yo di ingon kwes nya. Noro aba nitok bak yo di isibut nya.

MAZMUR 18:27 ပူးပေါင်းရင်းမြစ်များ

SAMUEL GI NICAN 22:28

Ateu yo di yoom kep ingonti bingwes ngun noro acut yo di ingon jei nya.

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.

MAZMUR 101:5

Midibindei sar yo di yahamui nyahan bikin kep hiter ninghapti ba, midiba diyai ngat yo di ikon yonti inyeng kin yo di ingon llei-lau bi.

MAZMUR 17:10

Ikan tut ningondut tungwatu nyati bi ba, iba illei-llausi bimbrap.

MAZMUR 17:13

tuhan e, akiju! Ahwen ditde siceu nya ba, acut yok. Aba Ade singau simeda biteu da bidingwes ngun leu yo di isibut di imbuk tut da nya.

MAZMUR 34:19

tuhan ningat rin simiak yo di ingon kinei nya. Noni teu yo di ingon cut bihigom leu su nya bingwes ngun.

MAZMUR 34:6

Mbro nok gino hi co kep yok lo, yo di iba ingon com Noni yahagom ingon nggan-triot kei ba, bit bon ingon pus tut Noni bi sren cem.

MAZMUR 40:17

Dijoi sut gima yo di ikuk yok biNa yahagom ingon nggei-hi-nggei ba, yo di inggok tut Na yahagom ingon llei bibor cem. Handei kon ba, yo di ateu yok leu sisar nya yahagom ipai sigyo hanyen biNa bipai-pai nyen “Mbenjen! tuhan ninyeng jei bibor!”

MAZMUR 9:18

Minu nimai nya ide ne nipekti mem yo di isibut nya kin ngkiai nya di ikou sut Allah ri.

NIPINGOK NINGONTI 30:12

Tungwatu nya bihi ikan bipia ingon kwes-kwau noro irom ndok.

YESAYA 10:12

Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”

YESAYA 3:9

Ikon yontiti dima bindo tut ide nibon munti di kinei ri. Ibon sisar brei hak noyam kin gi mben Sodom ibon di nipou cem. Buhun bibor mem yok! Yonti ibindei ba, mun di buhun cut igkep yonti hanyen.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.