MAZMUR 18:15 - ALLAH NIHYET MEM TUNGWATU NYA

¹⁵ Noni prindei Nide tibor nya bibuhuk Nide siceu nya apino intek gimahap. Noni ba kigyei ninjeng di srei bitot-tot nyen bibindei ba, inang.

MAZMUR 18:15 ပူးပေါင်းရင်းမြစ်များ

SAMUEL GI NICAN 22:16

Tirigi tuhan ba nigga biborti bikon nihyet kep Nide siceu rino muk jou nikiou tau bijo nibreisi ba, dihyei ninghim cem tau.

NIBOU NDIG NYA GI NICAN 19:7

Lewo tuhan mibindei ba, hou ban bei mitibim ei nibou ndig dima nitingou nsi bibindei ba, noni mingkwei hanyen ug ei nitimieisi leu api mitug midut ei sirima.”

AYUB 36:32

Noni ba ninda bikat kigyei lene bindei ba, ninjeng tot mpia di Noni ndo ei su.

AYUB 4:9

Allah ningon sibui sut yok noyam kin sigau di yem tungwatu nya bingwig.

MAZMUR 104:5

Akes dihyeisi dini binddong kei bijo ei cou nipmem dip leu api ugwa-kwei bi bijo ninno bijo kikau.

MAZMUR 106:9

Muk Lipig pingge lai de bit leu Nide nicukti leu api Noni buwak Nide limwa nya bimbut ninggati ei muk ninggimau yon dem kep nok imbut ei iggum ndigsi.

MAZMUR 144:6

Acom Ade kigyei kep Ade siceu nya leu binhyepo abintek gimahap yok binang. Akri Ade tibor ba, akes igkep yok leu binhyepo idrui sut.

MAZMUR 74:15

Abindei ba, minyei bousi kin minyei nda nya biam lo, minyei pmem pingge hanyen.

MAZMUR 76:6

Apos mun di tentara di mimbri kui ingkek nya ibikon pran leu yok ba, ibong mai hak ba, mikiju hanyen bu bi sren. Tentara di mimbri kui ingkek nya ide nisindemti pror leu yok tu.

MAZMUR 77:18

Bumbuhui bindei ba, biget mbras lene kru cut ba, nugwei bong. Kigyei cut bitot igyaisi bidem mpia ttou nsi hagom.

MAZMUR 92:10

tuhan e, nikan tut bipia Ade siceu nya misar bingwig ba, yo di isibut bibor nya mintek gimahap.

NEHEI LEUSI 15:8

Amiep minyei ngwa dip apino abindei hagom tti kui nai tti butnap biya pijum dem kep nok tring. Abindei ba, minyei jou dem kep nok ninggati di ngkiem bibor.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YEREMIA 31:37

Gino hi sindem mem gima nai mpia-bbed him nijeisi bijuk ug ei dihyei jou biyok niyai kep dihyei nikiou nya nisurti-nipekti apino tuhan micom mben Israel drek dip igyai munti di kinei bibor nya. Da di tuhan disimbot dat tu.”

YUNUS 2:6

Dicut ug ei muk jou dideu nungug nikiou nya bidikan bipia aom kusin ser dimbou heisi ei dibinyai dip bijo ninno. Tirigi diduhug-duhug nyen ne dingat nadi bak Na di tuhan di angat rin ei Ade Ig di kwes-kwau leu api amiap mun di dipai hwou biNa tu. tuhan di nok ditde Allah kon da leu minyei jou bidiyaijo hanyen.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

SAMUEL GI NIGOM 7:10

Samuel no bui kep domba mien pima lo, mben Filistin injei kwei bihwen yok. Noro Allah bindei ba, kru nindig bibor cut kros kwei leu mpia-bbed him ei mben Filistin dip binggek yok nindig bibor leu apino yahagom inang bingwig.