MAZMUR 17:9 - ALLAH NIHYET MEM TUNGWATU NYA

⁹ bidiya coi leu yo di isibut nya. Ditde siceu di igyok ingon gom mem gima igyai nimai bida nya igyon ttai da.

MAZMUR 17:9 ပူးပေါင်းရင်းမြစ်များ

NIBOHON MBEN ISRAEL GI NIGOM 17:9

Tut Ditde mben Israel ne ditin ei mpia gom di minok ide dihyei di igyati mem yok tu. Ditin ei mpia dima mem yok leu binhyepo ibong nyahan ei dihyei dimati ba, hi giwaisi yok bu bi. Yo di imbuk nya ihwen kep yok habiei nipou tirigi ikwei krau minu dini bigyo ba, nipou tirigi ita nibou ndig hi mem yok bigyo cem pima. Noro mun di buhun dima micut igkep yok bu bi. Dipreu ei mem na bipia midibindei timek ade siceu nya yahagom. Lene midiyai ade nintun him yamti di bram yam nya binani cem.

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

MAZMUR 35:12

Iba igyai munti di kinei bibor bibuhup diyai munti di kei ba, disar hak ei ningon di hai biborti.

MAZMUR 35:4

Handei kon ba, hi bindei timek yo di ijoi sut igyai nimai bida leu binhyepo immai sut yonti hak ug. Handei kon ba, yo di igyok ingon gom mem gima ihwen bit da isu jou kep inghim dip ba, ingon tai-tai bou cem.

MAZMUR 35:7

Yo dima indin bon ser da bipi bisrou da lo, gima yok mikui-kausi he. Itig jui mem gima ipi bibikat da lo, gima cem mikui-kausi he.

MAZMUR 7:5

disibut tut disut bat nya bidimbuk tut ditde siceu di ba nitok bida mikui-kausi cem ba, gino diyai nok gima,

SAMUEL GI NIGOM 23:26

Saul kin nide tentara nya isir bor ngug nite dini ug lene Daud nya isir bor ngug nite dinu kwei. Daud nang haninyai billu leu Saul di yon ser Daud nya pi bikat yok.

SAMUEL GI NIGOM 24:11

Jo nibreisi mem na di Andigpoi bipia nogindi pa tuhan kes na di Andigpoi ei dindati. Ditde limwa nya ibou poi ibidip huk da leu binhyepo diyai nimai bak na di Andigpoi noro dice tut ighyet bi lewo dingondut na di Andigpoi. Dipai biyok bipia dikou sut gima dimbuk tut na di Andigpoi lewo tuhan Nonti ta na di Andigpoi nok nibou ndig.