MAZMUR 17:3 - ALLAH NIHYET MEM TUNGWATU NYA

³ Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

MAZMUR 17:3 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

AYUB 24:14

Njap tekti ne nihwen kep mun cig kiju leu nibong eisi leu api hei bihwen nuhui mbum nya biyai nimai biyok. Mmun mau rino noni om no nyen noyam kin ninggimang kep mun cig cem.

MAZMUR 11:5

tuhan gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.

MAZMUR 119:106

Midiyai igbit Ade nipingok dati di sren kei nya bit leu nok dipreu ei mem Na tug hon neheng.

MAZMUR 139:1

Doia Daud mem no di bie tut doia nimpung. tuhan e, ayok atta kep da ba, akan bidem tut dingonti kin dingut cem.

MAZMUR 139:23

Allah e, anggok tut dingon mien. Ambus dingonti ba, asigbou da cem leu binhyepo angon dorti tut dingon kanti nya.

MAZMUR 16:7

Dinggei sut tuhan lewo Noni pingok dingonti kan. Tirigi dibong mem mmun lene dingon mien sok kep danti cem.

MAZMUR 26:2

tuhan e, ambus dingonti ba, abingon da lene ma aput ser dingon priti kin dikan-kan nyenti nya.

MAZMUR 39:1

Doia Daud mem Yedutun di bie tut doia nimpung.

MAZMUR 66:10

Allah e, abingon nye noyam kin tukan nya ikwen perak nitu ei humti bibindei ba, pimbai kei.

MAZMUR 7:4

Ditde tuhan Allah e, gino dingon koi ba,

NIPINGOK NINGONTI 13:3

No di ningon sok kep nonti tut mun di tibim ei nuhui him cuon niyaisi noro mun di buhun micut igkep no di mbrap ariwace.

YEREMIA 12:3

Noro tuhan e, akan tut dani. Angat diyai munti nya ba, akan tut bipia dingon gom tut Na. Ma akri yo di isibut dima yok bit leu nok domba di ijem ug ei mpia di ibui nok mikwau kikep eisi. Aya ser yok kikau ug bipek njap ngon bou dima ibui yok dem ug e.

YEREMIA 50:20

Mpe dima lene mben Israel kin Yehuda ingon pwoi-pwau lewo sisar ninyeng hi rap yok bi. Dikos ser yo di diteu yok di ingwes ngun tu nya ide sisar leu yok. Da di tuhan disimbot dat tu.”

HOSEA 7:6

Yo dima ingon kanti di kinei kin ide niggati dima nimbom drit nyahan ei ingonti mmun jei ba, gima dem kep hum di nimbom drit ei hum kwaisi. Ba, njap tekti lene njeng bidem kep hum njeng di cig-cai di yem tungwatu.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MALEAKHI 3:2

Noro tou riningon nddong kei mem njap dino tuhan tau kep nye i? Lewo Noni minok hum di nikinding ngkimom cig bindig mas lene minok sabun di nitot sinsun cig bitot sinsun cem.

KISAH 11:23

Tirigi noni kwei krau bingat lo, Allah singat tut yok lene ningon llei bibor. Lene noni pingok yo dima ingonti leu binhyepo iba ingon titut yam bingon gom tut Tuhan.

KISAH 16:9

Himmun di ingat rin ei Troas lene Paulus ngat-hi-ngat bingat lo, timiei hanjop Makedonia gom tau hak biya ei Paulus noho bei lene hara noni “Akwei ei Makedonia ba, ampu nye o!”

KORINTUS GI NIGOM 4:4

Dingon mien huk niti tut mun nyeng gom bi. Mbro nok gima lo, mun di ndo bipia dingon ngun ningat rin bi. No di mimbus dingonti rino Tuhan Nongkom di kos tut bipia diyai mun tunggwei sut e he, diyai mun tunggwei sut bi e?

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

YAKOBUS 3:2

Nyeni yahagom igyai mun tunggwei ninyen. Gino tungwagom yai mun tunggwei tug hon mun di tibim ei nuhui him bi lene no dima kei-kau lewo noni sindem mem gima om kep nonti njem titut yam.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

SAMUEL GI NIGOM 24:10

bipai binoni “Nggon rino na di Andigpoi aba angon com yo di itri tut bipia midimbuk tut na ighyet i?

SAMUEL GI NIGOM 24:12

Arig e! Angat i! Disu dinda tut ade sinsun ndok di jei ninghas gom di dikos nogindi pa leu na tu ba, angat i! Bon nituti di kei bibor mem diyai nimai bak na di Andigpoi noro dikos ade sinsun ninghas leu na he. Mun dini yok ndo bindo brei bak na di Andigpoi bipia midaham nimbuk kep na ba, dimbuk tut na bi. Mbro nok gino dibon mun tunggwei sut na di Andigpoi bi lo, ahuk da leu binhyepo ayai nimai bida.

SAMUEL GI NIGOM 26:11

Ma tuhan cuon da leu gima diyai nimai bak nibou ndig di Nonti dimig ei su! Ma sitiba nide micim kin sipos dibijig di dut minyei eisi ba, simbut tut gima yok he.”

SAMUEL GI NIGOM 26:23

tuhan njei mun di kei bak yo di ingon gom kin yo di ingon sren. Mbro nok gino tuhan kes na di Andigpoi ei dindati aponi pima tu lo, doom da leu ba, diyai mun kinei sut na di Andigpoi bi lewo nani ne nibou ndig di tuhan dimig ei su ri.