MAZMUR 17:14 - ALLAH NIHYET MEM TUNGWATU NYA

¹⁴ Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

MAZMUR 17:14 ပူးပေါင်းရင်းမြစ်များ

AYUB 12:6

Noro yo di ipos mun igkei nya ibong kei igwam kei. Mun di buhun cut igkep yo di ibungwam ndam gima isrep tut Allah. Ide kwar di iba ingon com ne yonti ide nisindemti he ri.

AYUB 12:9

Tou risrig mindhe-ndhe dima yok yahagom ikieti di ningon hukti tut gi Allah Nonti rino pai tes yok i?

AYUB 21:21

Tirigi ide njap ngwig ei dihyeisi dini ne ingon hukti tut ide ig bei nsi nya ide nibong kei nigwam keisi e?

AYUB 22:18

Lo, ningat ne Allah rino hak ninyeng tut ndigban ei yokti a! Dingon dorti tut yo di isibut dima yok ikan-kan nyenti bi!

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

MAZMUR 73:12

Yo di isibut nya ipai nok gima. Ibong kei igwam kei bikum ei ide mun di inyeng tut nya bu bijo ninno.

NIPINGOK NINGONTI 2:4

Ma anggok ser mun dima dem kep nok no di nggok ser mas lene ma aput ser mun dima dem kep nok no di put ser ndigban niku.

MATIUS 13:44

“Allah Ninyeng Tak Kepti rinok tungwagom di tig dihyei leu api ngat brua tut mitiei nindig bibor di jo dihyei jou. Gima rino noni ug tri nide ndigban hagom ba, bipek mitiei leu api kwei bipek dihyei hanjop nsi dima.”

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

LUKAS 16:8

Gima rino mindor di ningon sren bi dima niceu nggei sut noni drek dip niba ningon tekti bidimig munti dima. Lewo tungwatu dihyeisi dini iba ingon di tek binyohou dimig ide midyai kan dor njiriek yo di imbut mem nipigati nya.”

YOHANES 15:19

Gino jinok gom kin tungwatu dihyeisi dini lene ingon ngakei je lewo jinok yoni. Noro didimig je bijo ter leu tungwatu dihyeisi dini bijinggre kin yok bu bi. Yo dima ingon mpo tut je drek dip gi jinggre kin yok bu bi.

YOHANES 17:14

Ditri tut ahyet bak yo di ibit Da apino tungwatu dihyeisi dini ingon mpo tut yok lewo inggre kin tungwatu dihyeisi dini bi. Gima bit leu nok Dani cem dinggre kin tungwatu dihyeisi dini bi.

YOHANES 8:23

Lene Noni buhup “Jitimieisi jo bijehei ei dihyeisi dini noro dijuk leu anai hu kwei. Jikwei leu dihyeisi dini noro dikwei leu dihyeisi dini bi.

YAKOBUS 5:5

Jibong kei jigwam kei ei dihyeisi dini ba, jiba joho rok mun di jingat jingwes eisi. Gima tereu nok jibindei mmau jenti bijimmau ndok ei mem njap dino ibui je dem kep nok ibui mikwau.