MAZMUR 16:3 - ALLAH NIHYET MEM TUNGWATU NYA

³ Dikon yo di ingon kwes-kwau nya ei minu dini inyenga. Tirigi dingat rin bit yok lene dillei ngwig sut yok.

MAZMUR 16:3 ပူးပေါင်းရင်းမြစ်များ

NIBOHON MBEN ISRAEL GI NICAN 6:41

tuhan Allah e, nogindini ma akiju ba, aba Brua Gi Preu di bindo tut Ade nisindemti bicoi ug ei Ade Ig dini ba, abong eisi bijo ninno bijo kikau. Ma anjei mun di kei bak imam nya drek dip midyai di igyai nya. Handei kon ba, Ade limwa nya yahagom ingon nggei-hi-nggei lewo anjei mun di kei biyok.

MAZMUR 101:6

Dijoi sut yo di ingon gom tut Allah. Disindui sut ba, yo dima ibong ei ditde ig nibou ndig. Disindui sut ba, yo di ingon gom nya igyai midyai mem da.

MAZMUR 116:15

tuhan ningon ngguk tut nide limwa gom di Noni ningon ngakei nimaisi.

MAZMUR 119:63

Dijem disut bit yo di ikuk yok biNani kin yo di ibit Ade nicukti nya yahagom.

MAZMUR 122:8

Dipai bak timiei minu ndig Yerusalem “Ma jahagom jibong kei jigwam kei!” Lewo dingon a tut dide bat kin disut bat nya di ibong ei sirima.

MAZMUR 30:4

Abindei ba, dingwes ngun leu minu nimai nya ide lene awin da bidikiju leu nimai nya ikieti cem.

NIPINGOK NINGONTI 12:26

No di ningon kwes ningon nggei-hi-nggei dor njiriek yo di ninttig-tta nya. No di sibut srawir drek dip nibon mun di kineisi.

NIPINGOK NINGONTI 13:20

Gino ahig asut bit yo di ingon ki nya lene jei bi nani cem angon ki. Gino ahig asut bit yo di ingkek ndok nya ne abindei ba, mun di buhun micut igkep na.

NIPINGOK NINGONTI 8:31

Dingon llei sut dihyeisi di Noni pai tes bidijoi sut tungwatu nya cem.

DIUN MIMUN 7:10

Dingon ngakei no di dingwam kep ba, ningon pri kep da.

YESAYA 62:4

Tungwatu nya mijem anyeng Minu Ndig Di Ikes Bijo Ei Bu Bi kin Minu Prenti bu bi. Noro mijem anyeng Minu Ndig Di Allah Ngondut kin Minu Niwak Cam. Gima hagom nok lewo tuhan joi sut na ba, Noni dem kep nijjep mem ade minu.

MALEAKHI 3:17

tuhan Di Sindem Bibor pai “Yo dima ne Ditde limwa nya ri. Dinyeng tut yok mem njap di dikos tut ei mem yok tu. Dingondut yok dem kep andigpoi di ngondut nipmot di ba nibou coi mem noni.

KISAH 9:13

Ananias srep “Tuhan e, tungwatu imang bibor ipai sut no dima ninghapti bida bipia noni hwen bit Ade limwa nya ei minu ndig Yerusalem,

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

EFESUS 1:1

Srat dini leu da di Paulus ba, dani ne no di ya kui Yesus tug hon Allah ningon kanti mem da ri. Srat dini mem Allah de limwa nya di ingon gom tut Kristus Yesus.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 6:10

Allah ningon sren-srau. Ningon miprion ser jiyai munti nya kin jide ningondut yamti di jindo biNoni tirigi jahati tut jisut bat yo di Kresten nipou cem nogindini cem bi.