MAZMUR 16:1 - ALLAH NIHYET MEM TUNGWATU NYA

¹ Doia Daud. Allah e, ma aya srak ko hagau da lewo diba dingon com bipia Nani rima anyohou da.

MAZMUR 16:1 ပူးပေါင်းရင်းမြစ်များ

MAZMUR 116:6

Noni nyohou yo di iba ibou coi mem yam. Tirigi mun di buhun bibor nahanok micut igkep da ne Noni teu da bidingwes ngun.

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 146:5

No di ba ningon com Yakub de Allah binok nide tuhan Allah di mpu noni ne ningon nggei-hi-nggei.

MAZMUR 17:5

Didimig diyaijoti ba, dibibit mun di ando bida lene dite leu bi sren.

MAZMUR 17:8

Anyohou da dem kep nok anyohou Nanti ayai njep. Aku da nyahan ei anyehei behei,

MAZMUR 22:8

Yo di imian huk da yahagom iba da bikek bipu yuhui tut da lene ikit ibou leu da cem.

MAZMUR 25:20

Acuon ser diyaisi ba, ateu da bidingwes ngun leu binhyepo dimmai sut danti bi. Lewo diya coi Nani.

MAZMUR 31:23

Dingon tai-tai bousi bindei bidikan bigya tuhan com da leu Noho bei tu. Noro Noni miap dihyet mpe dino dahara bak.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

MAZMUR 56:1

Doia Daud mem no di bie tut doia nimpung. Bit leu doia Hakimoi Mbrei Bbwe Ei Minu Ting. Daud ba doia dini bikiek mpe dino mben Filistin ikat noni ei minu ndig Gat.

MAZMUR 60:1

Daud de doia ningginausi mem no di bie tut doia nimpung di ibrim leu doia Mitou Bakung Nibigyok Ngon Kep.

MAZMUR 7:1

Doia Daud nipim bikiekti di pai bak tuhan drek dip Kus di ntun keret Benyamin him niyai munti ri.

MAZMUR 7:2

Ditde tuhan Allah e, digwam coi Nani. Ateu da bidingwes ngun. Ayai da leu yo di yuhuk kep da yahagom inda nsi cem.

MAZMUR 84:12

tuhan Allah ne mpia di ninang coi kin nibou ndig di ninyeng jei bibor cem ri. Noni ba ningon di nggriu sut nyeti kin nisingat tut nyeti binjei mun di kei bak nyeni. Noni kou sut gima tak kep mun di kei ninyeng gom leu yo di ingon singat nya.

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

MAZMUR 97:10

Je di jingon ngakei tuhan e, suar jingon mpo tut mun di kinei nya! Lewo tuhan cuon Nide limwa nya igyaisi bikwek yok leu yo di itunggwei tuhan nihyet inda nsi.

NIPINGOK NINGONTI 2:8

Noni ya ser yo di iba ingon di gom bibon hiter biya srak ko hagau yo di ingon gom tut Noni cem.

KORINTUS GI NICAN 1:9

Nikan bigya nicoi bit yo di itug ndei hukum nimai. Noro mun dima cut igkep nye leu binhyepo bindei ba, niba ningon com nyende nisindemti bi. Noro niba ningon com Allah di sindem mem gima win yo di imai bikiju hanyen.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.