MAZMUR 15:4 - ALLAH NIHYET MEM TUNGWATU NYA

⁴ di ningwes pri gau yo di Allah kou sut yok nya di nggei sut yo di ibit Allah nihyet di mbro nok gino buhun mem noni lo, miyai hagom bit leu nok nipreu eisi

MAZMUR 15:4 ပူးပေါင်းရင်းမြစ်များ

NIBOHON MBEN ISRAEL GI NICAN 36:13

Nibou Ndig Nebukadnezar bidip huk Zedekia leu binhyepo heng bitug hon Allah ninyeng bipia ningon gom tut Nebukadnezar. Noro niabiati bu lene Zedekia ham nimbuk kep Nebukadnezar hanyen. Zedekia ningkek ndok tut tuhan Allah mben Israel ba, kou sut gima tin ser nide sisar bingkwei hanyen ndam tuhan cem.

ESTER 3:2

Nibou ndig cuk nibou di igya kui noni yahagom leu binhyepo iba ibiau bicom mpia ei Haman noho bei ba, ikuk yok bak. Apino nindigsi nya yahagom ibit nibou ndig nicuk yokti noro Mordekhai kou sut ba, gikuk no bak bi.

MAZMUR 101:4

Dimbres ningon canti ei minu ting leu da. Midiket ei mun di kineiti bi.

MAZMUR 101:6

Dijoi sut yo di ingon gom tut Allah. Disindui sut ba, yo dima ibong ei ditde ig nibou ndig. Disindui sut ba, yo di ingon gom nya igyai midyai mem da.

MAZMUR 119:63

Dijem disut bit yo di ikuk yok biNani kin yo di ibit Ade nicukti nya yahagom.

MAZMUR 16:3

Dikon yo di ingon kwes-kwau nya ei minu dini inyenga. Tirigi dingat rin bit yok lene dillei ngwig sut yok.

MATIUS 5:33

“Jikan tut nicukti di sok kep idigup bat-idigai bat nya bipia harin dima jiluei jingonti tut mun di jeheng tut ei Allah Noho bei a. Noro ma jiyai igbit mun di jeheng tut hagom.

KISAH 24:25

Noro Paulus huk nihyet kikau bitri tut ningon srenti kin noom ningonti kin hukum di micut igkep tungwatu nya mem Njap Ningwig Honti cem. Feliks ningon ttin bibor bimbrua Paulus drek dip bipai “Cobi! Nogindini disindui sut ba, ambut hak ug. Mpe hi bu tirigi bon nikwesti mem da lene midihig na hanyen kwei.”

KISAH 28:10

Gima rino injei mun di kei mang bibor bak nyeni. Son dideu nituti mem nibri kibar minyei hanyen lene yo dima imbus mun di nisuar nya bikon hagom ug ei kibar nsi mem nye tut nimbutti.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

NIJAM NIKEI NYA 11:35

Tirigi Yefta niyai ttem nipmisop dip lene ba ningon di ngguk bibor bibindei rik nide sinsun rok him bipai “Ayo, dipmisop ndia ug o! Abindei bidingon ngguk bibor. Nggon rima abindei bidingon ngguk bibor i? Dipreu ei bak tuhan tug hon neheng ba, bit bon dinggek dingon tut gi preu dima kan bi.”