MAZMUR 149:3 - ALLAH NIHYET MEM TUNGWATU NYA

³ Ma jiba nibien-bien nyenti kin doia bikon ninyenga. Ma jiba nggong brei kin mun di nggileng bikon ninyenga!

MAZMUR 149:3 ပူးပေါင်းရင်းမြစ်များ

SAMUEL GI NICAN 6:14

Lene noni pri-pri nyen sindem bibor bibinggei sut tuhan. Mpe dima lene noni juk nide sinsun ser nonti bi noro kri sre linen nicun he kep nintig boua.

SAMUEL GI NICAN 6:16

Tirigi sindi ittei Brua dima bicoi kwei ei minu dima lene Mikhal po Saul nipmisop pima ya ei kendera mihyeti bingat lo, Nibou Ndig Daud pri-pri nyen bibinggei sut tuhan lene Mikhal ningon pus tut noni nindig bibor.

NIBOHON MBEN ISRAEL GI NIGOM 16:42

Heman kin Yedutun cem inyeng tak kep yo di iba pun mbrei kin yeng beng ngkimom-tembaga pima di ikek kep bibibit doia di ipai bibikon tuhan ninyenga. Lene yo di intun Yedutun ninsi de him nya igya ser dimbou pmem nya ei gumihyep dima.

NIBOHON MBEN ISRAEL GI NIGOM 25:6

Heman nipmot bat dima yok yahagom iba yeng beng ngkimom-tembaga kin nggong mbrei kin gitar bipai doia ba, ibibit leu Njap Nigwam Kep Ninghuisi kin nibon midut di mbut sindam nya ei tuhan De Ig. Idimig nimpung poi kin bu ei mem gima iba musik bipai doia ba, ibibit leu Njap Nigwam Kep Ninghuisi kin nibon midut di mbut sindam nya. Asaf kin Yedutun kin Heman yoni igyai midyai dima bit leu nibou ndig nindo yoti.

NIBOHON MBEN ISRAEL GI NICAN 20:28

Tirigi yuug krau minu ndig dima lene yahagom ingig ninggre ba, ikek nggong mbrei nya ba, imiep pun mbrei nya cem tirigi ibisau ndam tuhan De Ig.

NIBOHON MBEN ISRAEL GI NICAN 29:25

Nibou ndig kes Lewi nya ei tuhan De Ig mem gima iba nggong mbrei kin yeng beng bipai doia noyam kin gi po Daud krau kep nipou pima. Noni yai bram Daud niyaisi dima bit leu tuhan nipingok Daud ningonti tug hon Nabi Gad kin Nabi Natanti. Nibou ndig kes imam nya cem ba, ikrau pun mbrei nya bigya ei sirima.

EZRA 3:10

Tirigi tukan nya sindi ikinyon ei niwin tuhan De Ig nikiouti rino imam nya ijuk ide sinsun nibon midut ba, ikrau ide pun mbrei lene yahagom idimig igyati. Leu api keret Lewi ibou poi di imbier kim Asaf cem idimig igyati bikrau yeng benga. Yahagom inggei sut tuhan bit leu nok ningginausi nya di itri tut biyam ei nijam Nibou Ndig Daud.

MAZMUR 30:11

tuhan e, amiap kep dihyet ba, angondut dani cem leu api ampu da o!”

MAZMUR 33:2

Ma jiba jide nggong nya bikwei pai sigyo bak tuhan. Ma jiba jide nggong mbrei nya bikwei pai doia ei Noho bei.

MAZMUR 81:2

Ma jikon doia ba, jibinggei sut Allah di nok ide nisindemti ninyeng. Jiba jingon di nggei-hi-nggei bimbos-hi-mbos tut Yakub de Allah.

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

MAZMUR 87:7

Yo dima ipri-pri nyen bipai doia “Sion ne mpia di nijem nok nitimieisi ri.”

NEHEI LEUSI 15:20

Lene Miryam di nok nabi sop di Harun nikwohop pima ug yai nide mun di nggileng ba, nisut bat sop nindigsi nya yahagom impig ide mun di nggileng nya bit noni bipri-pri nyen.

YEREMIA 31:13

Mpe dima lene sop gwam nitta pilei nya miba ingon di llei bibor bipri-pri nyen ba, pinai pilei nya kin andigpoi nya ingon nggei-hi-nggei. Midipai-hi-pai yokti lene midiba ningon di kei bibor biluei ide ningon di ngguk biborti ba, midiba ningon nggei-hi-nggeisi biluei ide ningon buhun.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

NIJAM NIKEI NYA 11:34

Tirigi Yefta ngkwei hanyen kwei ei Mizpa lene nipmisop misop gwam nitta pilei kwei ya um noni bingon-mingon ba, bibui mun di nggileng cem. Noni ne Yefta nipmisop di nimig gom ngat ri.