MAZMUR 148:8 - ALLAH NIHYET MEM TUNGWATU NYA

⁸ kin kigyei di srei kin biget es di mbras nok tig njep kin es di kingkrai yam kin bumbuhui kin hou di nimig ten bibor di bit tuhan nicukti e, ma jinggei sut tuhan.

MAZMUR 148:8 ပူးပေါင်းရင်းမြစ်များ

NITRITI 19:24

Lene tuhan kes hum kin belerang di cig-cai kros leu mpia-bbed him kep Sodom kin Gomora.

AYUB 37:12

di bit hou ba, mbut bikieng kep dihyeisi dini nisurti-nipekti dem igbit Allah nicukti.

MAZMUR 103:20

Je di malaikati di jisindem di jibit nicukti nya ba, jingig jitingou mem nihyet cem e, ma jinggei sut Noni.

MAZMUR 18:12

Lene ba nidinditi binggai Nonti ba, bumbuhui mpia mmou di ndok jun ttai Noni.

NEHEI LEUSI 10:13

Gima rino Musa krau nide tom bisu ninda tut apino tuhan bindei ba, hou kui kwei leu mpia nipriti kikau mem njap dima kin mmun cem ei minu dima. Ug bipek njapti lene hai ceng nya ibit hou nimig kwei.

NEHEI LEUSI 10:19

Lene tuhan bindei ba, hou di cut leu mpia nipriti kwei ei minu dima ngkwei hanyen leu api hou di nimig ten bibor cut bu kwei leu mpia nicutti bimiep hai ceng nya hagom hanyen ug ei Muk Lipig. Hai ceng ningat gom jo ei minu Mesir bu bi.

NEHEI LEUSI 14:21

Lene Musa su ninda bijo nai minyei ngwa dip leu api tuhan bindei ba, hou di nimig ten bibor cut leu mpia nipriti apino minyei ngwa dip ngkwei mem mmun kikau binjap kep bibon ninggati ei minyei jou.

YESAYA 66:16

Lewo Noni miba hum kin singau simeda bikes hukum ei yo di ide nitunggweisi nya jo brei niyai him dip apino imang bibor di itug ndei hukum dima imai drek dip.

YOEL 2:30

Midindo bindo tut nijam dima ei mpia-bbed him kin dihyeisi dini. Gima nok ninggrom di siber kin hum njeng kin hum mmup di ndok.

IMAM NYA IDE MIDYAI 10:2

Apino tuhan kes hum di cig-cai kros kwei ba, hum dima yem yahacem bimai ei Nide Prak Mengti.

AMOS 4:13

tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.

AMOS 7:4

tuhan Di Ninyeng Jei Bibor bindei ba, dingat ningat-hi-ngat gom kin bu. Dingat lo, Noni tin ei mem gima ba hukum bikes hum ei Nide limwa nya dip. Hum dima sror biyem muk ngeisi ei dihyei jou bibie leu api sindi sror biyem dihyei ninjek dip cem.

YUNUS 1:4

Yunus juk nyahan buug bong mai ei kibar ninsi di ndam nijou mo jug. Leu api tuhan ba sigau nindig bibor bihwen kibar tut yok ei muk ngwa dip ba, muk tti nindig bibor. Mbigom kin bu ma kibar misar tut yok hak. Gima rino timiei kibar nsi nya yahagom ingon ttin bibor ba, yahara bak ide kwar di ikuk yok bak hi-gom hi-gom mem gima mpu yok. Leu api injei ndigban di kibar nsi ug ei muk mpoti leu ba, kibar nggan lai-lai de.

MBEN ISRAEL IMBUT-MBUT NYEN 16:35

Leu api tuhan kes hum di sror biyem ibou sratus can ningot muhwi po iba srier di indig kep biei nggrai di ui-gwang kei eisi bikuk yok bak tuhan pima yahagom bingkiong bingwig hak.

YOSUA 10:11

Hammi tirigi tentara Amori inang leu tentara Israel bijuk leu nitinggoisi pima rino tuhan bindei ba, biget es mbras nok tig nindig bibor bitot yok kak puig sinon kikau bipek Azeka. Tentara Amori imang bibor imai tug hon biget es leu gi imai tug hon tentara Israel di ihwen yok nya.

NINGAT-HI-NGAT NYA 16:21

Biget di nok tig njep es mbras ba, tig njep es gom nibuhunti kilo ningot muhwi. Es dini cut kwei leu mpia-bbed him ug ei tungwatu nya dip bibindei ba, yo dima ikucang Allah drek dip biget di mbras nok nsuwer ajar dima lewo buhun bibor dor njiriek nindigsi nya.