MAZMUR 148:13 - ALLAH NIHYET MEM TUNGWATU NYA

¹³ Nna ba yoni yahagom inggei sut tuhan! Lewo ninyeng jei dor njiriek ninyeng nindigsi nya hagom. Nide nikei-kau-keisi kieng kep mpia-bbed him kin dihyeisi dini.

MAZMUR 148:13 ပူးပေါင်းရင်းမြစ်များ

NIBOHON MBEN ISRAEL GI NIGOM 29:11

Nani ne Andigpoi di kei-kau-kei ba, sindem bibor cem ri. Anyeng di jei om kep ninyeng hagom ba, ayai kepti nya hagom nindig bibor cem. Anyeng tut mun nyeng hagom di jo mpia-bbed him kin dihyeisi dini. Nani ne nibou ndig di ninyeng jei bibor ba, anyeng tak kep nye di tungwatu dihyeisi dini nahagom cem.

MAZMUR 108:4

tuhan e, midipai sigyo biNani ei ngkiai nya ikieti. Midipai doia bidibikon anyeng ei tungwatu nya ikieti.

MAZMUR 113:4

tuhan ninyeng tak kep ngkiai nya yahagom ba, ninyeng jeisi jo anai dor njiriek mpia-bbed him.

MAZMUR 150:6

Ma mun di ninnei hei nuhwap nsi di niyaijo nya hagom inggei sut tuhan. Jikwei ba, inggei sut tuhan!

MAZMUR 57:6

Allah e, ando Ade nisindem biborti brei ei mpia-bbed him a. Ando Ade nikei-kau-keisi bidem dihyei nisurti-nipekti.

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

MAZMUR 8:1

Doia Daud mem no di bie tut doia nimpung bit leu nihyet nibikiek Gitit.

MAZMUR 8:2

tuhan e, he nyende Allah e, Ade nisindemti jo brei bou tungwatu nya yahagom igyai him! Ade nikei-kau-keisi kui sur mpia-bbed him tug hon,

MAZMUR 8:9

kin ha nya kin wau nya kin mun di ha minyei kan nya hagom.

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

DIUN MIMUN 5:16

Nimei-mei nyen dati nyop kei ba, mun nyeng di bitut noni hagom brim dingon. Je di sop gwam nitta pilei minu ndig Yerusalem e, gi dipai pima yok hagom ndo tut no di dingon ngakei di dijem nok dingon kieti.”

DIUN MIMUN 5:9

“Na di sop ubbu ngat e? Apo ade di angon ngakei ubbu dor njiriek pinai nindigsi nya e? Apo ade di angon ngakei di acuk nye di nipreu ei mem na tut dini kei-kau dor njiriek pinai nindigsi nya gima rin e?”

YESAYA 12:4

Njap ngon bou midem leu api mijipai “Ma jipai sigyo bak tuhan bijikuk je bak. Ma jitri tut ninyeng jeisi kin nibon munti nya hagom bak ngkiai nya.

YESAYA 33:5

tuhan kei-kau-kei. Ninyeng tak kep mun nyeng hagom. Noni mibindei ba, minu ndig Yerusalem mpung tut ningon gomti kin ningon sren-srausi.

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

EFESUS 4:10

No di juk kwei dima noyam kin No di kui binjiriek mpia di jo anai bibor ei mpia-bbed him leu binhyepo ningat rin bidem ei Allah nipai testi hagom.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.