MAZMUR 147:8 - ALLAH NIHYET MEM TUNGWATU NYA

⁸ Noni ne No di ba bumbuhui bijun mpia-bbed him rin ba, tin ei biget mem gima but kwei ei dihyeisi lene bindei ba, mintu-minta hei ei nungug tou nya.

MAZMUR 147:8 ပူးပေါင်းရင်းမြစ်များ

NITRITI 9:14

Bikwop mpe dino dibindei ba, bumbuhui nggai kep mpia-bbed him lene pwet mijo nibreisi ba,

AYUB 5:10

Noni kes biget di but kwei ei dihyeisi dini bibindei ba, beisi kin susti hagom ndot bibor.

MAZMUR 135:1

Ma jinggei sut tuhan! tuhan de awak jen e, ma jinggei sut tuhan.

NIPINGOK NINGONTI 27:25

Akos kep gandum nintam kin mbrui ut kwei leu beisi ba, abinyohou ade mindhe nya lo, jei bi ne nikioi nya hei hanyen kep beisi bu.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

MATIUS 5:45

leu binhyepo hiter ingat brei bipia jeni ne Jicig Allah ei gwamti nimunggwom bat nya ri. Lewo Noni bindei ba, mpia wam yo di isingat kin yo di isibut nya ba, mpia but mem yo di ingon sren kin yo di ingon rom nya.

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”