MAZMUR 147:3 - ALLAH NIHYET MEM TUNGWATU NYA

³ Noni bindei ba, yo di ingon cut bihigom leu su nya ibrim ingkek hanyen. Noni ngot kep ibokti nya.

MAZMUR 147:3 ပူးပေါင်းရင်းမြစ်များ

AYUB 5:18

Gino Noni bindei ba, abok lene Noni mingot kep abok dima hanyen bu. Gino Noni bui na lene Noni mikinding na hanyen bu.

MAZMUR 34:18

Yo di ingon sren nya yahara tuhan leu api Noni buhup ighyet biteu yok leu mun di buhun tak yok hagom.

MAZMUR 34:19

tuhan ningat rin simiak yo di ingon kinei nya. Noni teu yo di ingon cut bihigom leu su nya bingwes ngun.

MAZMUR 51:17

Allah e, ampu da leu binhyepo diji nggan tut nimbrap hanyen leu api midibinggei sut Na.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 33:6

Noro ei nidipti bu lene dibindei minu ndig dini kin timiei nya bikei hanyen nok gi nipou pima bu. Yoni migyai nisindemti hanyen bu. Midibindei ba, nibong kei nigwam keisi kin ningon jo nyahanti kieng kep idihyei hanyen.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,