MAZMUR 147:2 - ALLAH NIHYET MEM TUNGWATU NYA

² tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

MAZMUR 147:2 ပူးပေါင်းရင်းမြစ်များ

NEHEMIA 6:15

Niwin ngug tig nikineisi hanyenti dima yem njap nitindur ningot muhwi ba, can. Midyai dima put hak ei njap nyatungwagom ba, muhwi mem Bed Elul.

NEHEMIA 6:16

Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

NEHEMIA 7:4

Minu ndig Yerusalem bres bibor noro timiei nya ibou poi he. Lene ig cem igiwin mang bigyo.

MAZMUR 102:17

tirigi Noni win Sion hanyen bu bindo ninyeng di jei brei biyok.

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

YESAYA 14:32

Notou nibuhup bak yo di mben Filistin icuk yok kwei bigya hacan mem yo i? Nnaba nipai biyok bipia tuhan win Sion hanyen tu. Ba, Nide limwa nya di igyai ninghuisi wei migwam coi mpia dima bingwes ngun.

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YESAYA 62:7

Ma isindui sut Noni bigwam nyahan au. Nok gima bibou Noni pui nihyet tut minu ndig Yerusalem hanyen bibindei ba, ninyeng di jei mbut bidem dihyei nisurti-nipekti ug e.

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEHEZKIEL 38:8

Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

MIKHA 4:6

tuhan pai “Ei nidipti bu ne midinduk yo di dikes hukum ei yok dip kin yo di igyai inghuisi wei ei ingkiaisi yahagom kwei ei gom.

ZAKHARIA 8:7

Miditeu Ditde limwa nya leu ingkiaisi di ide siceu nya ikat yok di icom yok ug ei nya,

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

NINDAT KEP TUHAN NICUKTI NYA 30:3

tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.