MAZMUR 146:6 - ALLAH NIHYET MEM TUNGWATU NYA

⁶ Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 146:6 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

MAZMUR 100:5

Lewo Allah singat kei ba, Nide ningon ngakeisi ug hon nohonti bi sren. Nide ningon gomti jo ninno bijo kikau.

MAZMUR 115:15

Ma tuhan di pai tes mpia-bbed him kin dihyeisi dini njei mun di kei bak jeni!

MAZMUR 117:2

Lewo tuhan ningon ngakei nye nindig bibor. Ningon di gom tut nye jo ninghig-niker. Ma jinggei sut tuhan!

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

MAZMUR 89:2

tuhan e, midiba doia bikiek angon ngakei nyeti di ug hon nohonti bi ba, miditri tut angon gomti bikwop mmun-njap bijo ninno bijo kikau.

MAZMUR 89:33

lene midikes hukum ei yok dip drek dip ide sisar nya. Midikes mun di buhun ei yok dip drek dip ide nitunggweisi nya ri.

MAZMUR 95:5

Noni pai tes muk ndigsi ba, ninyeng tak kep. Noni pai tes dihyeisi dini ba, ninyeng tak kep.

MAZMUR 98:3

Noni krau kep ningon gomti kin ningon ngakeisi di preu ei mem Nide limwa di mben Israel. Tungwatu nya di igya bidem dihyei nisurti-nipekti yahagom ingat Allah nibindei timek siceu nyati bou igyai him tu.

NEHEI LEUSI 20:11

Lewo Da di tuhan dipai tes dihyeisi kin mpia-bbed him kin muk ngeisi bitut mun di joti nya hagom mem njap nitindur muhwindagom. Noro dikes dinda tut midyai bidigwam kep dinghuisi ei njap gi nimuhwindacan. Gima rino Da di tuhan dijoi sut Njap Nigwam Kep Ninghuisi lene dibindei bikwes-kwau kei mem Da.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

DANIEL 9:4

Lene dingat nadi bak tuhan di nok ditde Allah bidipai jit sisar di dide bat mben Israel nya ibon tut Noni bidipai “tuhan e, anyeng jei bibor ba, nikuk nye ei Aho bei. Angon gom tut mun di apreu ei mem nye nipou su ba, angondut yo di ingon ngakei Nani bibit Ade nicuk yokti nya.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

YOHANES 1:3

Allah pai tes mun di hagom tug hon Noni ba, pai tes mun nyeng gom njiriek Noni bi.

YOHANES 10:34

Lene Yesus buhup “Bit leu nok gi ipas ei Puig Yahudi nicukti ‘Allah pai biyok bipia jeni ne awak di dipai tes nya ri.’

KISAH 14:15

“Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.

KOLOSE 1:16

Allah ba Kristus bipai tes mun nyeng di ningat rin ei gwamti kin mpia-bbed him kin dihyeisi dini hagom bitut mun di tungwatu nya ingat brei kin mun di bit bon ingat bou igyai him kan bi nya bitut ninnei di isindem bibor nya kin ninnei di inyeng tak kep ide limwa nya hagom. Allah pai tes mun nyeng hagom tug hon Kristus lene mem Noni cem.

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”