MAZMUR 146:10 - ALLAH NIHYET MEM TUNGWATU NYA

¹⁰ tuhan ne Nibou Ndig bijo ninno bijo kikau ri. Je di timiei Sion e, jide Allah ninyeng tak kepti jo ninno bijo kikau. Ma jinggei sut tuhan!

MAZMUR 146:10 ပူးပေါင်းရင်းမြစ်များ

MAZMUR 10:16

tuhan ninyeng tak kep limwa nya bijo ninno bijo kikau. Ngkiai nya di ikan tut Noni bi nya misar bingwig leu Nide dihyei a.

MAZMUR 145:13

Ade ninyeng tak kep limwa nyati jo ninghig-niker. Ade nisindemti ug hon nohonti bi sren. tuhan ningon gom biyai igbit nipreu eisi nya hagom. Noni ba ningon di nggriu sut nye biyai Nide midyai nya hagom.

MAZMUR 147:12

Minu ndig Yerusalem e, ma anggei sut tuhan! Sion e, ma anggei sut Ade Allah!

NEHEI LEUSI 15:18

Nani ne tuhan cem Nibou Ndig cem rin ba, anyeng mitak kep Ade limwa nya bijo ninno bijo kikau.”

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 40:9

Ma akui ug ei nungug di jei bibor leu api atri tut nihyet di kei bak minu ndig Yerusalem! Aba ahyet nindig bitri tut nihyet di kei bak Sion! Ahap aji lene ma angwes mien tut au. Ma atri tut bidem minu ndig nya hagom ei minu Yehuda bipia ide Allah dideu su!

YESAYA 52:7

Yo di ingat no di ttau kep yok ei nungug him igyai nillei nindig bibor lewo no dima kwei sut nihyet di kei kin nihyet tut ningon kwes kin yamti kin nihyet tut niteu ningwes ngunti bak Sion bipai “Jide Allah ne Nibou Ndig ri!”

YESAYA 9:7

tuhan simbot dat tut hukum di Noni mikes ei mben Israel dip tu.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”