MAZMUR 145:17 - ALLAH NIHYET MEM TUNGWATU NYA

¹⁷ tuhan ba ningon di sren kin ningon di nggriu biyai kep Nide midyai nya hagom.

MAZMUR 145:17 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

SAMUEL GI NICAN 22:31

tuhan nibon munti nya kei bibor kei. Nyeni iba ingon com Nide nipreu eisi nya cem. Noni dem kep mun di ibipukep ser tibor ninggwenti nya mem yo di igya coi Noni yahagom.

AYUB 34:10

Je di jingon ki e, ma jingig jitingou mem dihyet a. Mpaba Allah Di Sindem Bibor mibon mun tunggwei e? E bi!

AYUB 34:12

Allah Di Sindem Bibor tunggwei sut gi bon mun di igbit kan bi. Noni tunggwei sut gi bon mun di igbit tut tungwatu nya bi sren.

MAZMUR 103:6

tuhan ba ningon srenti bikos tut mun di kei bak yo di ibon inyeng bi nya.

MAZMUR 112:4

Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 116:5

tuhan singat tut nye ba, ningon sren ba, nyende Allah ngondut nye nindig bibor cem.

MAZMUR 50:6

Mpia-bbed him tri tut bipia Allah ningon sren-srau ba, Nongkom ne nikei mem Nide limwa nya ri.

MAZMUR 89:14

Ade nisindemti nindig bibor bindei ba, nyeni ninggap leu bijo ninno bijo kikau!

MAZMUR 97:2

Bumbuhui kin nidinditi no jo ttai Noni. Ningon sren-srausi kin nisingat tut yamti yahati tut Nide ninyeng tak kep limwa nyati.

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”