MAZMUR 145:1 - ALLAH NIHYET MEM TUNGWATU NYA

¹ Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

MAZMUR 145:1 ပူးပေါင်းရင်းမြစ်များ

NIBOHON MBEN ISRAEL GI NIGOM 29:13

Nyende Allah e, nipai sigyo nindig bibor biNani binikon anyeng di jei bibor cem.

MAZMUR 100:1

Doia mem midut nibipai sigyo bak tuhanti. Je di tungwatu dihyeisi dini hagom e, ma jipai kep doia bak tuhan!

MAZMUR 118:28

Nani ne ditde Allah rin ba, dipai sigyo biNa biditri tut anyeng jeisi.

MAZMUR 145:21

Dinggei sut tuhan kikau. Ma Nide mun di pai tes nya hagom inggei sut ninyeng di kwes-kwau bijo ninno bijo kikau.

MAZMUR 146:2

Midinggei sut tuhan mem nijam di diyaijo dini bidipai doia nibinggei sut Allahti tirigi dingat rin ei dihyeisi dini.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 30:1

Doia Daud mem nipiga Allah De Igsi.

MAZMUR 30:12

Aluei ditde nipim nggruetti pima binok ningon nggei-hi-nggeisi bu. Akwek ningon di ngguk leu da leu api abindei ba, dingon mpung tut ningon nggei-hi-nggeisi.

MAZMUR 30:2

tuhan e, dikon anyenga. Lewo ateu da ba, dingwes ngun leu ditde siceu inda nsi lene asindui sut ba, ditde siceu nya imbos-hi-mbos bingon kei kep da bi.

MAZMUR 34:1

Doia Daud mpe di bisinggre nok no di mirei kipon noti ei Abimelekh noho bei bibindei ba, ijji noni bimbut hak ug.

MAZMUR 44:4

Ade limwa nya inda rom dihyei dima bigyati tug hon ide singau simeda bi. Iba yonti ide nisindemti cem boom kep ide siceu nya bi. Noro igyai bigyati tug hon Na di tuhan Ade nisindemti kin Ade nipigati di bindo tut gima Angat rin bit yok lewo ajoi sut Ade limwa nya.

MAZMUR 45:1

Nimpung Korah ide doia ningon ngakei yamti mem no di bie tut doia nimpung di ibikiek Mitou Bakung.

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

MAZMUR 5:2

tuhan e, angig atingou mem dihyet di dipai hwou biNa ba, angig ayai kep da tirigi dilua-lua nyen tut ditde nahara nyenti.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

MAZMUR 52:9

“Jingat i! No dima ne no di gwam coi Allah bi ri. Noni ba ningon com nide ndigban di nyeng tut di nindig bibor nya binggok tut nibong kei nigwam keisi tug hon nide mun di pos nya.”

MAZMUR 68:4

Noro yo di ingon sren nya igyai nillei ba, inggei-hi-nggei nindig bibor. Yoni imbos-hi-mbos bigyai nillei ei Allah Noho bei.

MAZMUR 75:9

tuhan niggati dem kep mok nibou ndig de di jo nindati. Ba anggur ngei di ten jo mok dimati. Noni hug ningei di joti ei yo di isibut di ibong ei dihyeisi dini hagom insi lene suar idut bingwig.

MAZMUR 95:3

Lewo tuhan ne Allah di ninyeng jei bibor ri. Noni sindem bibor bininyeng tak kep kwar nya yahagom.

MAZMUR 96:2

Jikwei ba, ipai doia binggei sut Noni. Itri tut nihyet di kei bikwop mmun-njap hagom lewo Noni teu nye bingwes ngun tu.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

YESAYA 38:20

tuhan e, ayai ninghuisi kwes bida hanyen tu. Apino minipai doia ei Ade Ig ba, nibikek nggong mbrei mem nijam di niyaijo ei dihyeisi dini.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”