MAZMUR 141:5 - ALLAH NIHYET MEM TUNGWATU NYA

⁵ Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

MAZMUR 141:5 ပူးပေါင်းရင်းမြစ်များ

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

MAZMUR 125:4

tuhan e, asingat tut yo di isingat nya kin yo di ingon sren nya.

MAZMUR 23:5

Angei njita ba, abon pesta mem da bou ditde siceu nya yahagom igyai him. Aya um da ba, abibon da nok no di ninyeng jei ba, ahug ba anggur ningei di ui-gwang kei ug ei ditde mokti bipias hagau cem.

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

NIPINGOK NINGONTI 12:1

Gino asindui sut ba, hi pingok angonti lene gima bindo bipia angon ngakei ningon kiti. Gino akou sut gi hi pingok angonti ne angon mbum.

NIPINGOK NINGONTI 15:22

Gino aba angon srip huk angon kanti nya bi ne angon kanti mipek kep bi. Gino nipingok kep ningonti cig nya imang bibor yo rinaha ne angon kanti mingat ningat di kei.

NIPINGOK NINGONTI 15:5

No di ningkek ndok ba ningha bak nicig nipingok noti noro no di ningon ki ningon llei sut nicig nisok kepti.

NIPINGOK NINGONTI 19:25

Gino yo di illei-lau nya itug ndei hukum lene gima ngginau yo di imahan bigyo. Gino hi pingok kep no di ningon ki ningonti lene nintin kimboti mikum eisi.

NIPINGOK NINGONTI 25:12

Nisok kepti di no di ningon ki bipingok hiter di nitingou dile ningonti nibok kak bibor dor njiriek srak kin miep di iba mas di pimbai kei bibon.

NIPINGOK NINGONTI 6:23

Acig-apmem nya ide ningginausi nya dem kep ninjeng di piga digai puig di kei mem nani ba, ide nisok kepti nya mindo puig niyaijoti di kei bibor bina.

NIBA NINGON SRIP HUKTI 7:5

Gino no di ningon ki hwen kep angonti lene gima kei dor njiriek no di ningon mbum di ba doia bikiek anyenga.

IMAM NYA IDE MIDYAI 19:17

Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

MATIUS 5:44

Noro tini bu ne dipai bije bipia ma jingon ngakei jide siceu nya ba, jingat nadi tindei yo di ihwen bit je,

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.