MAZMUR 14:3 - ALLAH NIHYET MEM TUNGWATU NYA

³ Noro yahagom ikrau tunggwei puig ba, ingon rom bibor. No di ningon sren no rinaha bisrig ikieti bi sren. Hi bi sren.

MAZMUR 14:3 ပူးပေါင်းရင်းမြစ်များ

NITRITI 6:12

Lene Allah ngig niyai kep dihyeisi dini bingat lo, dihyeisi mpung tut mun di kinei lewo tungwatu nya yahagom ibon munti nya kinei bibor.

AYUB 14:4

Bon no di bon sisar bindei ba, mun di kwes kei ntun him e?

AYUB 15:16

Gino Allah ba ningon com yok bi lene notou mem no di kinei-kinau kin no di ningon rom di dahat nikibou ei nibon mun di kinei biborti noyam kin gi dahat nikibou ei minyeiti he i?

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 14:1

Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

MAZMUR 143:2

Ma ambus Ade awak di dani dingonti au. Lewo hi di ningon ngun ei ayai him bi.

MAZMUR 38:5

Ditde nitunggweisi noyam kin minyei di su kep da bibindei ba, disar. Ditde sisar nok mun di buhun tak da bibor.

MAZMUR 58:3

E bi! Jipwoi mun di kinei ei jingonti ba, jiba jiten biyai jiyai munti nya ei minu dini.

NEHEI LEUSI 12:30

Mpe dima lene Firaun kin yo di igya kui noni kin nide limwa nya yahagom idrui sut bikiju leu api yahagom ipim kui jei sut nimai nya. Lewo munggwom pinai mighumbou gom mai kep yok bikwop ei mben Mesir ide ig hagom.

NEHEI LEUSI 8:31

Lene tuhan birop Musa nihyet bibindei ba, kros nya hagom idimba bihigom leu Firaun kin yo di igya kui noni kin nide limwa nya yahagom ba, kros gom cem jo bu bi.

NIBA NINGON SRIP HUKTI 7:20

Hi di kei-kau-kei ei dihyeisi dini bi. Hi di bon mun di kei kikau di bon sisar bi ningat rin bi sren.

NIBA NINGON SRIP HUKTI 7:29

Gi ndi duum hak rino “Tirigi Allah bibon nye lene joi sut nye noro nyenti rino iluei itta ba, inok mun di ngot-nga.”

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YESAYA 64:6

Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

ROMA 3:23

Tungwatu nya yahagom ibon sisar tu ba, yahagom ingat rin ei minu ting leu Allah di joi sut gima teu yok leu sisar biyai niyaijo nijep biyok.

KORINTUS GI NIGOM 6:5

Mei! Ma jimmai sut jenti hak ug! Jigom ningon ki mem gima ya hacan nok nikei bikos tut munhyet bak yo di Kresten di ipai kep yam bi e?

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

NINDAT KEP TUHAN NICUKTI NYA 1:35

‘Yo di nimpung di isibut dini tungwagom cem micoi ug ei minu di nnum kei di dipreu sut bak jidigup bat-jidigai bat nya bi.