MAZMUR 139:3 - ALLAH NIHYET MEM TUNGWATU NYA

³ Akan bidem tut dimbutti nya kin nijam di dibong dibongti cem. Akan bidem tut diyai munti nya hagom.

MAZMUR 139:3 ပူးပေါင်းရင်းမြစ်များ

SAMUEL GI NICAN 11:27

Nijam ningon ngguk bram nimaisi dima ngwig leu su lene Daud cuk tungwatu nya leu binhyepo yuug brim Batsyeba ninda bibuwak noni kwei ei nibou ndig de igya. Lene Daud wak Batsyeba nok nitnem. Jei bi lene Batsyeba yai nipmot gom bak noni. Noro Allah ningon pus tut Daud niyai munti dima.

SAMUEL GI NICAN 8:14

Daud hok prak meng yati di nok tentara nibousi di igya coi nya bidem Edom nisurti-nipekti leu api ninyeng tak kep mben Edom yahagom. tuhan bindei ba, Daud bindei timek nide siceu nya mem nituti di noni ug kon pran bit yok hagom.

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

AYUB 31:4

Allah kan bidem tut diyai munti nya hagom. Noni ngig niyai kep dimbutti nya hagom.

MAZMUR 119:168

Dibit Ade nicukti kin Ade nipingokti nya lewo angat ditde nibon munti nya hagom bou ayai him tu.

MAZMUR 139:18

Gino didem mem gima dikwop angon kanti nimangti ne nimangti dor njiriek iggum di bigbibor nimangti. Tirigi dida diyai dibinut bu bidikan-kan nyen tut Nani.

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

YESAYA 29:15

Buhun bibor mem yo di ibingon mem gima iku ingon kanti di itin ei nya leu tuhan! Igyai mun mmuti nyahan ba, ikan bipia hi di ngat igyai munti dima ba, hi di kan tut mun di igyai bi.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

YOHANES 13:2

Mmun tu rino Yesus yem njita bit yo di igya kui Noni. Bilis bindei ba, Yudas di Simon Iskariot nipmot kan-kan nyen tut nitri Yesusti.

YOHANES 13:21

Tirigi Yesus pai nok rino ningon buhun bibor bipai brei biyok “Dipai nijit bije bipia jigom mitri Da.”