MAZMUR 138:4 - ALLAH NIHYET MEM TUNGWATU NYA

⁴ tuhan e, nibou ndig dihyeisi dini hagom mikon anyeng lewo imiap tut Ade nipreu eisi nya.

MAZMUR 138:4 ပူးပေါင်းရင်းမြစ်များ

MAZMUR 102:15

Mbro nok gino ngkiai nya inggek Sion binggek sinsiou tu lo, Ade awak nya ingon ngakei mpia dima. Mbro nok gino Sion wer ndung-diem tu lo, yoni ingondut minu ndig dima.

MAZMUR 72:11

Nibou ndig dihyeisi dini hagom mikwei kuk yok binoni ba, ngkiai nya bidem dihyeisi dini hagom minok awak mem noni.

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 22:22

Ateu da bidingwes ngun leu mindhe singa nya kin sapi banteng di niten-pos dini yok lewo dinghuisi jet.

NINGAT-HI-NGAT NYA 21:24

Minu ndig mipiga digai tungwatu dihyeisi dini hagom imbutti ba, nibou ndig nya mikwei sut ide ndigban di nibok kui bibor binju eisi.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

YESAYA 60:16

Ngkiai nya kin ide nibou ndig nya minyohou na noyam kin sop gom di nyohou nimunggwom. Mpe dima lene mijo nibreisi mem na bipia Da di tuhan diteu na ba, angwes ngun. Da di tuhan di disindem bibor dikwek na tu.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

MAZMUR 102:22

Leu api Nide limwa nya mitri tut ninyeng bidem minu ndig Sion bikon-kon nyen ninyeng ei minu ndig Yerusalem,

MAZMUR 71:18

Allah e, nogindini duug wer andig-ndau bidibou tiei su lo, ma akes da ei au. Noro anyohou da kikau leu binhyepo ditri tut Ade nisindemti kin mimbri di kui angkekti bak ditde nintun him yamti di bram yam nya yahagom.

MAZMUR 51:13

Ma acom da bihigom leu Aho bei ba, akus Ade ninnei gi kwes leu dingonti au.

MAZMUR 57:9

Dinnei e, akiju! Nggong kin nggong brei jen e, ma jikiju! Midiwin mpia njap cem bikiju.