MAZMUR 138:3 - ALLAH NIHYET MEM TUNGWATU NYA

³ Mpe dino dahara Nani ne abuhup ba, ayai ningon di ngkiem bida leu api mimbri kui dingkek.

MAZMUR 138:3 ပူးပေါင်းရင်းမြစ်များ

MAZMUR 18:6

Mun di suwok ei minu nimai nya ide yon ttai da. Minu nimai nya ide di nok kau mbrei jo doho bei.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 29:11

Dijoi sut gima tuhan sindem tut Nide limwa nya bibindei ba, ibong kei igwam kei cem.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

MAZMUR 63:8

lewo ampu da ninno tu. Diba dingon di llei bibor bipai doia tirigi diku da ei anyehei di yon gau da.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 65:24

Nipou tirigi ingat nadi bingwig bigyo lene midibuhup ighyet. Nipou tirigi ikes ighyet hon ba, ingat nadi bingwig bigyo lene midibirop hanyen biyok.

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

DANIEL 10:18

Lene noni su ninda bingget da mbigom kin bu. Leu api dingkek kan lo, ditde nisindemti kum eisi.

DANIEL 10:19

Noni pai bida “Yo, ma ayai nisindemti. Angon digit ba, attin tut au! Lewo Allah ningon ngakei na.” Pai nok rino dingkek kan lo, ditde nisindemti kum eisi bidor njiriek bu. Lene dipai bak “Gima ne na di Andigpoi e, apai angon kanti bida hak ug. Lewo abindei ba, ditde nisindemti kum eisi bu tu.”

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

EFESUS 3:16

Handei kon ba, Allah di nyeng tut nikei-kau-keisi sindem tut je tug hon Ninnei leu binhyepo jingon mien nddong kei.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

KOLOSE 1:11

Handei kon ba, Allah ba Nide nisindemti di mindur bibor bisindem tut je leu binhyepo jiba jibou coi mem yo di ihwen bit je ba, joom jingon tut yok ba, jingon llei bibor,

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.