MAZMUR 133:2 - ALLAH NIHYET MEM TUNGWATU NYA

² Gima dem kep mini di ui-gwang kei di nibok kak di isiber ei Harun nibou nggram him dip. Leu api silipti nikimam juk bihwen sinsun di ninggibi dip a.

MAZMUR 133:2 ပူးပေါင်းရင်းမြစ်များ

MAZMUR 141:5

Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

NEHEI LEUSI 28:33

Aba mong wol di nimmun kin nghei nta kin gi ningwoi cem mong linen di dia-diau kei cem bibien mun di nok biei delima ningat lene aba mas bibon brem-brem mien nya bipindur mun dini yok hagom bindun sinsun ndok di jei dima ninghas him ndam dihyeisi.

NEHEI LEUSI 29:7

Lene ayai mini nibon midut ba, asiber ei Harun nibou nggram him.

NEHEI LEUSI 30:35

Lene aba biei nggrai di ui-gwang kei dini bibon mun di ui-gwang kei di ninghap noyam kin mini ibou. Lene aba nsim srigsi leu binhyepo pimbai kei ba, kwes-kwau cem.

NEHEI LEUSI 39:24

Lene iba mong wol di nimmun kin nghei nta kin gi ningwoi kin mong linen di dia-diau kei cem bibien mun di nok biei delima ningat ba, ipindur hagom bindun sinsun ndok di jei dima ninghas him ndam dihyeisi.

NIPINGOK NINGONTI 27:9

Mini mbris kin mini di ui-gwang kei di bindei ba, tungwagom yai nillei lene gima noyam kin asut di ningon gom di biwin kep angonti.

DIUN MIMUN 1:3

Anghap ui-gwang kei. Anyeng dem kep mini di ui-gwang di kiber a. Gima rino sop gwam nitta pilei nya ingon ngakei na ug o!

IMAM NYA IDE MIDYAI 8:12

Lene noni ug yai mini hi kin bu bikiber ei Harun nibouti leu binhyepo bita noni mem nide midyai.

YOHANES 12:3

Leu api Maria kwei sut ampou tut mini mbris di iba wangi nigau di nibok kak bibor nuut gom bikiber ei Yesus nimig hacemti leu api ba nonti nibou nta bidip ninggou leu. Mini mbris nuui-gwang keisi kieng kep ig bei hagom.