MAZMUR 133:1 - ALLAH NIHYET MEM TUNGWATU NYA

¹ Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

MAZMUR 133:1 ပူးပေါင်းရင်းမြစ်များ

NITRITI 13:8

Lene Abram pai bak Lot “Sani ne adig-ajoi rin ba, dem mem ade awak nya kin ditde awak nya igbroi yam bi.

NITRITI 45:24

Lene noni kes yok bimbut ba, sok kep yok bipai “Ma jingon nso jenti tut ba, jihyet srou kui yamti hapuig au.”

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

MAZMUR 124:1

Daud de doia nikui ug ei Mbigdip Sion. Gino tuhan tti kin nye bi ne notou mem nye i? Je di mben Israel e, ma jibuhup,

MAZMUR 131:1

Daud de doia nikui ug ei Mbigdip Sion. tuhan e, dikes ditde ningon jeisi ei bidiba dingha bak nillei-lau sut nontiti. Diba dingon bisrip huk mun nyeng di nindig bibor nya kin mun di nggruk bibor nya bi.

YESAYA 11:13

Minu Israel ningon mikinei sut minu Yehuda bi, Minu Yehuda miba nitok bak minu Israel bu bi.

YESAYA 11:6

Ningon di kwes kin yamti dima mibindei ba, nsien mbrei di iten-pos nya yaham domba nya bu bi. Mindhe macan tutul nya kin kambir nya ibong simiak yam ba, sapi mien nya kin singa mien nya igyem minta bit yam cem ba, munggwom mien nya mihyen kep yok.

YESAYA 11:9

Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

MARKUS 3:25

Ba, gino yo di ibong ig nittou hi iba nitok biyam leu api jei bi ne itot yam bingwig hak ri.

YOHANES 13:35

Tungwatu nya yahagom mikan tut bipia jiya kui Da gino jingon ngakei yam.”

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

IBRANI 13:1

Ma jingon ngakei yam kikau bit leu nok yo di Kresten di ikinjoi bat yam.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.