MAZMUR 131:1 - ALLAH NIHYET MEM TUNGWATU NYA

¹ Daud de doia nikui ug ei Mbigdip Sion. tuhan e, dikes ditde ningon jeisi ei bidiba dingha bak nillei-lau sut nontiti. Diba dingon bisrip huk mun nyeng di nindig bibor nya kin mun di nggruk bibor nya bi.

MAZMUR 131:1 ပူးပေါင်းရင်းမြစ်များ

SAMUEL GI NICAN 6:22

Ditin ei mem gima limwa nya ipai da kinei dor njiriek gino aponi pima bu. Mbro nok gino angwes pri gau da lo, awak sop pima yok minggei sut da!”

AYUB 42:3

Gi po ahig ser da “Na di aba ahyet hou cem ahyet di nok bu tan cem ahig bikiek dingon di ki e, anyeng tou i? Lene dibuhup ahyet bidipai dat mun di dingon kiowi tut kin mindur nya di bit bon dingon dorti tut kan bi.

MAZMUR 101:5

Midibindei sar yo di yahamui nyahan bikin kep hiter ninghapti ba, midiba diyai ngat yo di ikon yonti inyeng kin yo di ingon llei-lau bi.

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

MAZMUR 124:1

Daud de doia nikui ug ei Mbigdip Sion. Gino tuhan tti kin nye bi ne notou mem nye i? Je di mben Israel e, ma jibuhup,

MAZMUR 133:1

Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

MAZMUR 139:6

Bit bon dingon dorti tut angon kanti nya di bitut da kan bi lewo hagom jut bibor.

NIPINGOK NINGONTI 21:4

Yo di isibut nya ide ninggei-nggwangti kin nillei-lausi pijuk ingonti bibindei ba, sisar ntun him.

YEREMIA 17:16

Noro tuhan e, dibidip huk Na tut gima akes hukum kwei ei yok dip bi sren yo. Dijoi sut gima itug ndei mun di buhun bibor cem bi. tuhan e, akan tut gini ba, akan tut mun di tibim ei duhui him.

YEREMIA 45:5

Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di tuhan disimbot dat tu.”

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

KISAH 20:19

Mbro nok gino mben Yahudi igyok ingon gom mem gima ihwen bit da lo, diba dingon di jei sut danti bi kin diyai nggwei di kibor nyen-nyen biyai kep midyai noyam kin Tuhan de awaga.

ROMA 11:33

Allah nisingat tut nye di tungwatuti kei ngat kei! Ningon kiti cem tot buti! Noni kan tut mun nyeng hagom. Bit bon tungwatu nya igyok igyai kep Allah nikos tutti ba, ingon dorti tut Allah niyai kepti nya kan bi!

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

NINDAT KEP TUHAN NICUKTI NYA 17:20

Gino ta nibou eisi bikwop mungkun kei lene mijo nibreisi mem nonti bipia noni kei-kau dor njiriek nide limwa nya bi. Gino noni ba ningon gom bikrau kep tuhan nicukti nya lene noni kin ide nintun him yamti di bram yam nya minyeng tak kep Israel sindam bijo kikau.”

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 16:18

Tirigi noni pai nok lene nide awak gom pai cem “Isai di bong ei Betlehem yai nipmot gom di kek nggong mbrei igkei ba, no rinaha. Mimbri kui ningkek bikon pran kan. Noni ubbu bibor ba, ninghuisi kei bibor ba, mbrap kan cem lewo tuhan mpu noni kikau.”

SAMUEL GI NIGOM 16:22

Jei bi lene Saul sok nihyet bak Isai bipai binoni “Dijoi sut Daud nindig bibor. Ma asindui sut noni biya kui da kikau.”

SAMUEL GI NIGOM 17:15

noni ngkwei-ngkwei nyen ug ei Betlehem leu binhyepo hyen kep domba di nicig de nya.

SAMUEL GI NIGOM 18:23

Gima rino indat kep Saul ningon kanti dima bak Daud leu api noni buhup “Jikan bipia krop kei mem tungwagom jem nipmang bit nibou ndig e? Dani ne dem mem bi lewo duhui mbum ba, dibon dinyeng bi cem.”