MAZMUR 13:5 - ALLAH NIHYET MEM TUNGWATU NYA

⁵ Ma asindui sut ditde siceu nya bipai bipia ibindei timek da tu au. Ma asindui sut ba, ingon kei kep da bimbos-hi-mbos kep da au.

MAZMUR 13:5 ပူးပေါင်းရင်းမြစ်များ

MAZMUR 119:81

Diyok dingon mem gima ateu da bidingwes ngun ba, diba dingon com Ade nipreu ei mem dati.

MAZMUR 147:11

Noro ngat ningwes ei yo di ingon gom tut Noni kin yo di iba ingon com Nide ningon ngakeisi di ug hon nohonti bi sren nya.

MAZMUR 25:2

Ditde Allah e, diba dingon com Nani! Ma asindui sut ba, dimmai mpe dino ditde siceu nya ibindei cut da bingon kei kep da au.

MAZMUR 32:10

Yo di isibut nya mitug ndei mun di buhun bibor. Noro tuhan ba ningon ngakeisi binyohou yo di iba ingon com Noni.

MAZMUR 33:18

tuhan nyohou yo di ikuk yok biNoni kin yo di iba ingon com ningon ngakei yokti di jo ninno bijo kikau.

MAZMUR 36:7

Ade nisingatti kui sur nungug dip ba, Ade ningon sren-srausi jut bibor bidem muk ndigsi nijutti. tuhan e, anyohou tungwatu kin mindhe-ndhe nya.

MAZMUR 38:17

Ma asindui sut ditde siceu nya ba, ingat mun di buhun di cut igkep da ingon kei kep da au. Gino didigit lene ma asindui sut yok ba, isuglai suglai wai au.

MAZMUR 51:12

Allah e, apai tes ningon di kwes mem da lene abindei ba, dingon bei jep-jau cem nddong cem hanyen.

MAZMUR 52:8

Yo di ingon kwes ingat mun di cut igkep na lene idigit tut leu api ipa ndip na bipai biyam,

MAZMUR 9:14

tuhan e, angat i! Ditde siceu nya ihwen bit da! Angondut da ba, ateu da bidingwes ngun leu nimai,

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

HABAKUK 3:18

midingon llei bibor kikau lewo Na di tuhan Allah ateu da bidingwes ngun.

LUKAS 1:47

Ba, dingwes yai nillei bibor drek dip Allah di teu da leu sisar biyai niyaijo nijep bida.

LUKAS 2:20

Gembala nya ingkwei hanyen binggei sut Allah tut mun di imiap kin mun di ingat bou igyai him lewo hagom pek kep malaikati nipaisi.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.

SAMUEL GI NIGOM 2:1

Lene Hana ngat nadi bipai, “Allah bindei ba, dingon llei bibor. Nide niyai munti nya bindei ba, dingon nggei-hi-nggei. Diba dingon di nggan-triot pa ndip ditde siceu nya lewo tuhan mpu da nijit tu.