MAZMUR 13:3 - ALLAH NIHYET MEM TUNGWATU NYA

³ Suar dibiang mun di buhun ba, dingon ngguk ei njap jei ug bipek mpe di tou i? Ditde siceu nya mico kep da ug bipek mpe di tou i?

MAZMUR 13:3 ပူးပေါင်းရင်းမြစ်များ

EZRA 9:8

Noro nyende tuhan Allah e, sindi asingat tut nye ba, akwek nyeni nibou poi leu gi yuubon nye nok awak pima leu api abindei ba, nibong kei nigwam kei ei mpia di apigig sut pijum ei dini ba, ayai niyaijo nijep binyeni cem.

MAZMUR 18:28

Ateu yo di yoom kep ingonti bingwes ngun noro acut yo di ingon jei nya.

YEREMIA 51:39

Tirigi ingon kui mem gima igyem njita lene miditin ei njita mem yok. Midibindei njita dima pu yok ba, ibou ngwakti sibui kikau ba, ibibong mai lene igikiju hanyen bu bi.

MAZMUR 5:1

Doia Daud mem no di bie tut doia nimpung di iba porei bikek nya.

SAMUEL GI NIGOM 14:29

Lene Yonatan buhup “Aye! Dicig kes mun di buhun bibor bidor njiriek ei nide limwa nya dip! Jingat i! Dinghuisi sindem hanyen tug hon ahwei lon ningei di diyem dima.

SAMUEL GI NIGOM 14:27

Noro Yonatan kan tut nisigionti di nicig kes ei nide limwa nya dip dima bi. Gima rino noni su nide tom bingget ahwei lon gom lene ba ninda biket ei ninsi biyem lene gima bindei ba, ninghuisi sindem hanyen.

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

NIBWOS-BWOS NYENTI 5:1

tuhan e, ma ayok ngon kep mun di cut igkep nye o! Ma atou kep nye ba, angat niwer mindheti o!

YEREMIA 51:57

Midibindei ba, mun di pu mipu yo di inyeng jei ei minu Babel di ingon ki nya kin nibou nya kin tentara nya tug hon Ditde nigga biborti ri. Ba, yoni mibong mai bikiju hanyen bu bi. Noro ibong mai bijo ninno bijo kikau. Disimbot dat tu. Dani ne nibou ndig ba, tuhan Di Sindem Bibor ri.

MAZMUR 119:153

Angig ayai kep ditde niwei-nidutti ba, ateu da bidingwes ngun lewo diba diyai ngat Ade nicukti nya bi.

MAZMUR 31:7

Angon mpo tut yo di ikuk yok bak kwar nya. Noro tut dani ne diba dingon com Na di tuhan.

MAZMUR 25:19

Angat i! Ditde siceu nya imang bibor ba, ingon mpo tut da cem.

MAZMUR 9:13

Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

NINGAT-HI-NGAT NYA 21:23

Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”