MAZMUR 13:2 - ALLAH NIHYET MEM TUNGWATU NYA

² tuhan e, abbwe ser da ug bipek mpe di tou i? Aku Na leu da ug bipek mpe di tou i?

MAZMUR 13:2 ပူးပေါင်းရင်းမြစ်များ

NEHEMIA 2:2

Gima rino noni hig ser da “Aimaisi hai tut nggon i? Jo nibreisi bipia anggwen bi. Gima rino dikan huk bipia angon buhun.” Didigit tut nihyet,

ESTER 7:6

Ester buhup “No di sibut tut nye di ba nitok binye bitin ei mem gima cok tut nye dima ne Haman ri!” Haman digit tut nindig bibor lene ba ningon di digit bibor bitou kep nibou ndig kin sop nibou ndig.

AYUB 10:15

Gino dibon sisar ne mun di buhun bibor cut igkep da! Ne gino diyai mun di igbit ne abibon da nok no di bon sisar! Dikon dibou kan bi lewo dingon ngguk bidinok nisuwok.

MAZMUR 10:18

Ambrap gau moibihi nya kin yo di ide nitok joti nya ihwen bit yok nya tut ide munhyet leu binhyepo ide nitok joti nya mibindei ba, ingon digit bu bi.

MAZMUR 116:3

Mpe di gom ne mun di buhun bibor cut igkep da bikat da ug ei nimai nya ikieti. Diyai ngkek ttin mun di micut igkep da ei jui nsi. Dinghuisi mpig sut bidingon pri tut kikau.

MAZMUR 17:9

bidiya coi leu yo di isibut nya. Ditde siceu di igyok ingon gom mem gima igyai nimai bida nya igyon ttai da.

MAZMUR 31:18

tuhan e, ma asindui sut ba, nimmai kui dati au. Lewo dahara bak Nani. Handei kon ba, yo di isibut nya itug ndei nimmai biborti leu api acom yok ug ei minu nimai nya ide ba, ei sirima ne hi nihyet tibim bi.

MAZMUR 38:17

Ma asindui sut ditde siceu nya ba, ingat mun di buhun di cut igkep da ingon kei kep da au. Gino didigit lene ma asindui sut yok ba, isuglai suglai wai au.

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 6:4

tuhan e, dingon tai-tai bou. Akes da ei bipek apig bu i?

MAZMUR 7:2

Ditde tuhan Allah e, digwam coi Nani. Ateu da bidingwes ngun. Ayai da leu yo di yuhuk kep da yahagom inda nsi cem.

MAZMUR 74:10

Allah e, nyende siceu nya miba ighyet bicig Na ug bipek njap pig bu i? Mpaba ighyet tigut anyeng bijo kikau e?

MAZMUR 74:18

tuhan e, ayok ngon kep bipia Ade siceu iba ighyet bicig Na. Ngkiai nya di ikan tut Na bi ighyet wer mpiahi tut anyeng cem.

MAZMUR 8:2

tuhan e, he nyende Allah e, Ade nisindemti jo brei bou tungwatu nya yahagom igyai him! Ade nikei-kau-keisi kui sur mpia-bbed him tug hon,

MAZMUR 9:6

Akes hukum ei ngkiai nya dip ba, abindei sar yo di isibut igkei nya cem tu. Ba, tungwatu nya ibbwe ser yok bihigom hak.

NIPINGOK NINGONTI 15:13

Yo di ingon llei bibor yuhumpo noro ningon buhun biborti bindei ba, iimaisi hai.

NIBA NINGON SRIP HUKTI 5:17

Leu api dingon huk niti bipia gihi di kei mem tungwatu nya dor njiriek mun nindigsi nya rino njita di igyem kin ndia ngei di idut kin gi ingat ingwes ei ningat di itug ndei tug hon ide midyai di igyai nya mem nijam di igyaijoti di jei bi di Allah yai binye dini. Gima ne mun di Allah bindei ba, pek kep mem nye ri.

YEREMIA 15:18

Nggon rino dinghuisi wei kikau i? Nggon rino dibokti di ullen jut hanyen bi i? He akos tut mem abingon da leu binhyepo dingon wok ba, dingon cut leu Nani noyam kin minyei di pingge mem bed di biang mpia ngei e?”

YEREMIA 45:3

ahara ‘Ayo, dingon dahat leu o! Mun di nggruk mang bibor buhun tak da leu api tuhan ba ninghuisi wei bikum bu. Dimuhup tut ninsoti. Dingon gi jo nyahan bi bibor!’

YEREMIA 8:18

Ningon di ngguk bindei bidingon bok cem dingon dut cem ba, dem mem gima obat mpu ditde ningon ngguk biborti kan bi.

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 5:20

Nggon rima akes nye ei ninno nok i? Mpaba abbwe ser nye bihigom tu e?

MATIUS 26:38

Gima rino Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”

LUKAS 22:53

Dingat rin bit je ei Tuhan De Ig bikwop njap-njap lo, jikat Da bi. Noro jam dini bon nituti mem jikinei sut Da lene jam dino no di ninyeng tak kep nidinditi krau kep nisindemti cem.”

YOHANES 16:6

Ningat ne jingon ngguk bibor nogindini lewo ditri tut mun dima bije.

ROMA 9:2

dingon buhun ba, dingon ngguk bibor cem,

FILIPI 2:27

Jit-jit, noni nggwen nindig bibor ba, dideu nide njap ningwig honti lo, Allah ngondut noni he bi noro ngondut dani cem leu gima dingon ngguk bram noni dor njiriek bu a.

SAMUEL GI NIGOM 18:29

Gima rino noni ttin tut Daud nindig dor njiriek nipou pima lene ba nitok bak noni kikau ug bipek niyaijo ningwig honti kep.

SAMUEL GI NIGOM 24:19

Mbro nok gino tuhan kes da ei andati ei njap di ammani tu pima lo, ayai nimai bida bi lene ayai munti dima ndo brei bida bipia angon kwes kin da.