MAZMUR 126:2 - ALLAH NIHYET MEM TUNGWATU NYA

² Ikwai tiei ba, iba ingon di llei bibor bipai doia. Ngkiai nya ipai sut nye “tuhan bon mindur nindig bibor mem yok.”

MAZMUR 126:2 ပူးပေါင်းရင်းမြစ်များ

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

NEHEMIA 6:16

Tirigi mben di iba nitok binye di ibong ttai nye imiap tut lene idigit tut ba, igyaisi mmai lewo yahagom ikan tut bipia Allah mpu nye tut midyai dima tu.

AYUB 8:21

Noni mibindei ahui tiei ba, apa-pa nyen. Noni mibindei ba, ambos-hi-mbos hanyen cem.

MAZMUR 14:7

Dijoi sut gima tuhan di bong ei Nungug Sion mikiju biteu mben Israel ba, ingwes ngun. Tirigi Noni bindei ba, yo di intun Yakub him ibong kei igwam kei hanyen lene yahagom ingon millei nindig bibor!

MAZMUR 51:14

Abindei ba, dingon llei bibor tug hon Ade gi teu leu sisar ug ei niyaijo nijepti di ayai bida tu. Abindei ba, dingon llei ndam gi dibit ahyet.

MAZMUR 53:6

Mbro nok gino mun di bindei ba, idigit bibor hi bi lo, yo di isibut nya mittin bibor. Lewo tuhan migimahap yo di igyon siceu ttai je nya injum a. Gima rino mijibindei timek yoni lewo Allah rok yoni ei su.

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

YESAYA 51:11

Apino yo di tuhan kwek yok tu nya miba nimbos-hi-mbos bingkwei hanyen ba, icoi ug ei minu ndig Yerusalem. Yiimaisi cem piga kei drek dip ide ningon nggei-hi-nggeisi di ug hon nohonti bi sren. Yoni ingon nggei-hi-nggei ba, igyai nillei cem lewo ide ningon nggukti kin ninso-nso nyenti pror hak leu yok tu.

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

ROMA 11:15

Lewo Allah kou sut Nide limwa nya lene gima bon nikwesti mem ngkiai nya igyai ingon di kwes kin Noni hanyen. Gino Noni joi sut Nide limwa nya hanyen bu ne jo nibreisi bipia gima midem kep nok nimai nya di ikiju hanyen leu imai eisi!