MAZMUR 124:1 - ALLAH NIHYET MEM TUNGWATU NYA

¹ Daud de doia nikui ug ei Mbigdip Sion. Gino tuhan tti kin nye bi ne notou mem nye i? Je di mben Israel e, ma jibuhup,

MAZMUR 124:1 ပူးပေါင်းရင်းမြစ်များ

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

MAZMUR 120:1

Doia nikui ug ei Mbigdip Sionti. Tirigi dingon buhun bibor ne dahara tuhan leu api Noni buhup dihyet.

MAZMUR 121:1

Doia nikui ug ei Mbigdip Sionti. Dicap ser nungug him nya bidingat no di mpu da mikwei leu hantou i?

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

MAZMUR 123:1

Doia nikui ug ei Mbigdip Sion. tuhan di ninyeng tak kep gwamti e, ditou kep kui gwamti ndam Nani.

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 126:1

Doia nikui ug ei Mbigdip Sion. Tirigi tuhan kinding minu ndig Yerusalem hanyen pima lene gima dem kep nok mumpriem di nyeni imumpriem!

MAZMUR 127:1

Salomo de doia nikui ug ei Mbigdip Sion Gino tuhan win ig bi ne tukan di ingot nya iwin ig mikui-kausi. Gino tuhan ya srak ko hagau minu ndig bi ne tentara di igya ser minu ndig nya igya ser mikui-kausi.

MAZMUR 128:1

Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

MAZMUR 129:1

Doia nikui ug ei Mbigdip Sion. Mben Israel e, ma jipai sut notou jide siceu nya ihwen bit je habiei nijam di jipilei yo kwei ug e.

MAZMUR 130:1

Doia nikui ug ei Mbigdip Sion. Allah e, dahara Nani lewo mun di buhun bibor kat da dem kep nok dicut ug ei pimbien di jut biborti.

MAZMUR 131:1

Daud de doia nikui ug ei Mbigdip Sion. tuhan e, dikes ditde ningon jeisi ei bidiba dingha bak nillei-lau sut nontiti. Diba dingon bisrip huk mun nyeng di nindig bibor nya kin mun di nggruk bibor nya bi.

MAZMUR 132:1

Doia nikui ug ei Mbigdip Sion. tuhan e, ma angon prion ser Daud kin mun di buhun bibor di tak kep noni hagom au.

MAZMUR 133:1

Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

MAZMUR 134:1

Doia nikui ug ei Mbigdip Sion. tuhan de awak je di jiba mmun bikuk je biNoni ei Nide Ig e, jahagom jikwei bijinggei sut tuhan.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 54:4

Allah e, amiap kep nadi di dahara biNani. Angig atingou mem dihyet di dindat kep hwou biNani.

MAZMUR 56:10

Njap dino dahara Nani ne ditde siceu nya misu jou kep inghim dip lewo dikan tut bipia Allah tti kin da tu.

MAZMUR 56:9

Akwop kep njap di dibong-bong wai ba, akan tut diyai nggwei cem nimangti tu. Akwop ba, apas kep nimangti hagom ei Ade sratti tu bi e?

MAZMUR 94:17

Gino tuhan mpu da ser bi ne mbigom dipri hak leu mpia di yo di igyaijoti nya ide ug ei minu nimai nya ide ri.

NEHEI LEUSI 15:1

Lene Musa kin mben Israel ikon doia bibinggei sut Tuhan bipai, “Dipai doia mem tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?