MAZMUR 122:6 - ALLAH NIHYET MEM TUNGWATU NYA

⁶ Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

MAZMUR 122:6 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NEHEMIA 11:1

Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

NEHEMIA 11:2

Ba, limwa nya inggei sut yo di ice tut gima ibong hak ei minu ndig Yerusalem nya.

ESTER 4:8

Mordekhai biyai srat di tibim tut nibou ndig nicukti di tri tut bipia suar timiei pima yok icok tut mben Yahudi pima di nibou ndig bindei hei ei minu ndig pmem Susan nimeng gom bak Hatah lene cuk noni bipwoi srat dima biyai bak Ester lene bipai sut munhyet dima cem bak. Noni bahara mem Ester leu binhyepo ug ngat nibou ndig ba, hara noni leu binhyepo ngondut Ester de mben nya.

MAZMUR 51:18

Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

YESAYA 62:7

Ma isindui sut Noni bigwam nyahan au. Nok gima bibou Noni pui nihyet tut minu ndig Yerusalem hanyen bibindei ba, ninyeng di jei mbut bidem dihyei nisurti-nipekti ug e.

YESAYA 66:10

Je di jingon ngakei minu ndig Yerusalem e, ma jiyai nillei bit. Je di jingon ngguk tut minu ndig dima e, nogindini ma jingon nggei-hi-nggei.

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

YEREMIA 51:50

tuhan pai bak mben Israel di ibong ei minu Babel “Jingwes ngun leu nimai tu! Ma jikiju bijimbut nogindini hak ug! Ma jigwam-gwam nyen ei au! Mbro nok gino jingat rin ei minu ting leu jitimieisi lo, ma jiyok ngon kep jide tuhan di Dani kin minu ndig Yerusalem cem.

MBEN ISRAEL IMBUT-MBUT NYEN 24:9

Mben Israel dem kep nok mindhe singa nikre kin niwek di bong mai kep ninghuisi. Tou ribrim ningkek biwin noni i? Tungwa tou rino ngat nadi tindei mun di kei mem yok miyai mun di kei hanyen leu Allah. Tungwa tou rino mbriom yok mitug ndei nimbriomti hanyen leu Allah.”

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

EFESUS 4:3

Ma jiba jide nisindemti titut yam binyohou jide ningon jo nyahan mem yamti leu binhyepo jibinyohou nibicom yam nok gomti di Allah Ninnei yai bije.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.