MAZMUR 120:4 - ALLAH NIHYET MEM TUNGWATU NYA

⁴ Noni miba nikon pran cig de tibor di nggwen bibor kin hum mbom di cig-cai bikes hukum ei na dip!

MAZMUR 120:4 ပူးပေါင်းရင်းမြစ်များ

MAZMUR 45:5

Abri ade kroba pran ba, abimbut ndam nibindei timek ade siceu nyati. Aba mimbri di kui angkek bicuon nihyet di nijit kin ningon sren-srausi di ntun ningon di nem him. Abindei timek Ade siceu bibor tug hon ade nisindemti.

MAZMUR 52:5

Angon ngakei mun di kinei bibor dor njiriek mun di kei. Ajoi sut niris mun dor njiriek mun di nijit.

MAZMUR 57:4

Noni mibuhup dihyet leu gwamti biteu da ba, dingwes ngun. Noni mibindei timek yo di ico kep da nya cem. Allah mindo bipia ningon gom tut da ba, ningon ngakei da bikwop ug.

MAZMUR 59:7

Ditde siceu nya ikwei hanyen mem mpia nicutti ba, yaham imbuk nok nsien ba, ibiyon ttai minu ndig cem.

MAZMUR 7:13

Gino ikes hon igyai munti di kinei dima bi ne Noni tin ei Nide minggwen ba, biyai nimai biyok. Noni sien Nide singau simeda lene ba tibor bicom bisinei leu api kri Nide tibor di cig-cai bikes ei nihim.

NIPINGOK NINGONTI 11:12

No di ningon mbum bindei hiter ninyeng kinei. No di ningon ki kimut nuhui bipai mun-mun hi bi.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 11:9

No di sibut nimbrapti bindei sar tungwatu. No di ningon kwes kei ningon kiti bindei ba, tungwatu ingwes ngun.

NIPINGOK NINGONTI 12:22

tuhan ningon mpo tut niris kep mun cig nya noro ningon ngakei no di yai bipek kep nihyet nghwak him.

NIPINGOK NINGONTI 16:27

Yo di isibut nya itindei ser nituti tirigi ibon mun di kinei bak nindigsi nya. Ighyet di tigut yok cig yok nok hum di cig-cai.

NIPINGOK NINGONTI 18:21

Idweb sindem mem gima nyohou ide niyaijoti lene, bindei ide niyaijoti kinei cem. Suar tungwatu nya ibiang ipai munti nya nibuhunti.

NIPINGOK NINGONTI 18:8

Nittei mumpui ei yamti noyam kin mikwau di ngge kei ba, tungwatu nya ijoi sut gi ipinde.

NIPINGOK NINGONTI 19:5

Bit bon no di ris mun ei nikei noho bei ningwes ngun leu hukum kan bi.

NIPINGOK NINGONTI 19:9

Bit bon no di ris mun ei nikei noho bei ningwes ngun leu hukum di bindei nimai kan bi.

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”