MAZMUR 12:6 - ALLAH NIHYET MEM TUNGWATU NYA

⁶ tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 12:6 ပူးပေါင်းရင်းမြစ်များ

SAMUEL GI NICAN 22:31

tuhan nibon munti nya kei bibor kei. Nyeni iba ingon com Nide nipreu eisi nya cem. Noni dem kep mun di ibipukep ser tibor ninggwenti nya mem yo di igya coi Noni yahagom.

AYUB 20:19

Lewo noni co kep yo di inyeng tut mun nyeng hi bi nya ba, ningkek ndok tut yok bipos yo di hiter ide ig nya cem leu yok.

AYUB 28:1

Tungwatu nya itig perak biyuum ei dihyei jou. Mpia di ikwen mas bibindei pwoi-pwau eisi cem no rinaha.

MAZMUR 119:140

Ade nipreu eisi nya micut bi sren! Dem mem gima diba dingon com bidingon ngakei nipreu eisi dima hagom cem!

MAZMUR 18:30

Asindem tut da mem gima dicok tut ditde siceu nya. Dicut ide tentara nibousi di igya coi bidiyati tug hon ditde Allah di mpu da.

MAZMUR 19:8

tuhan nikos tutti nya ne kei-kau-kei ba, sindem tut nye. Nyeni iba ingon com tuhan nicukti nya di bindei yo di ingon mbum nya igyai ingon di ki biluei bu.

MAZMUR 66:10

Allah e, abingon nye noyam kin tukan nya ikwen perak nitu ei humti bibindei ba, pimbai kei.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

MAZMUR 9:13

Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 6:1

Lene tuhan binut bu bipai bak Musa “Dani ne tuhan ri.

NIPINGOK NINGONTI 22:23

Lewo tuhan mimbrap gau yok tut ide munhyet bikus yo di isrep huk yok innei leu.

NIPINGOK NINGONTI 30:5

Allah yai mun nyeng hagom bit leu nok gi Noni preu ei mem nye tu. Noni noyam kin mun di ibipukep tibor ninggwenti nya mem yo di ikwei gwam coi Noni.

YESAYA 14:22

tuhan Di Ninyeng Jei Bibor pai “Midinjei siceu bidihwen minu Babel bitimek ba, dibicok tut hak. Diteu tungwagom ngat he biningwes ngun ba, disindui sut munggwom nya bigyaijo bi. Da di tuhan disimbot dat tu.

YESAYA 33:10

tuhan sok kep ngkiai nya “Nogindini midiyai dibou tut je bidindo Ditde nisindemti bije.