MAZMUR 12:3 - ALLAH NIHYET MEM TUNGWATU NYA

³ Yahagom iba nihyet di mmau bipai mun di igbit bi biyam ba, iris mun biyam nyen cem.

MAZMUR 12:3 ပူးပေါင်းရင်းမြစ်များ

NIPINGOK NINGONTI 18:21

Idweb sindem mem gima nyohou ide niyaijoti lene, bindei ide niyaijoti kinei cem. Suar tungwatu nya ibiang ipai munti nya nibuhunti.

NINGAT-HI-NGAT NYA 13:5

Leu api hi sindui sut ba, mindhe dima ningon jei bibor tut nonti ba, nihyet wer mpiahi tut Allah cem ninyeng tak kep nide limwa nya kikau mem bed ningot bitai ba, can.

DANIEL 7:8

Tirigi diyai bong kep ningat-hi-ngat dima lene dingat lo, nibou nggai gom kin bu ntun him nibou nggai nggreti nya. Nibou nggai dini nimien lo, sindem mem gima tiba nibou nggai ningai gi hiter bicom hak leu. Nibou nggai dini bon niyai kin nuhui noyam kin tungwatu ba, ningon jei binggei-nggwang tut nonti nindig bibor.

MAZMUR 17:10

Ikan tut ningondut tungwatu nyati bi ba, iba illei-llausi bimbrap.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

MALEAKHI 3:13

tuhan pai “Jikkin kep dinghapti bibor tu. Noro jihig ser Da ‘Notou nikkin kep anghapti i?’

DANIEL 7:25

Nihyet wer mpiahi tut Allah Di Ninyeng Jei Bibor bihwen bit Allah de limwa nya cem. Noni brim ningkek mem gima nggek tut limwa dima yok ide niggai serti nya kin ide njap ndig nya cem ba, ninyeng tak kep yok mem ari bingwam ningai ba, bed muhwindagom.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

SAMUEL GI NIGOM 2:3

Je di tungwatu nya e, ma jinggei-nggwang tut jenti ba, jingon jei bu au. Ma jikimut juhui ser nhyema jimbrap kinei au. Lewo tuhan ningon dorti tut mun nyeng hagom. Noni gwam nok nikei mem tungwatu nya igyai munti nya hagom.

NEHEI LEUSI 15:9

Siceu nya igyok ingon gom mem gima yuhuk bram nye bikat nye lene mihit ide simeda bicok tut nye. Leu api mipos nyende ndigban hagom bingwig leu nye apino mikwas hagom tut yam ba, inggei ngwig sut.

YESAYA 10:10

Dibindei timek nibou nya kin ide minu ninyeng tak kepti nya di ikuk yok bak kwar di isindem bibor dor njiriek gi ingat rin ei minu ndig Yerusalem kin Samaria nya.

AYUB 32:22

Digikan tut nisinati mem gima diba nihyet mmau bimig mbus tungwatu nya bi. Gino dikan tut nisinati dima ne Allah mikes hukum kros ei da dip.

MAZMUR 55:22

Ba nihyet di mmau bihwen ingon noro ningat ne ningon mpo bibor. Ba nihyet di nem-nnai kei cem bihwen ingon noro gima noyam kin singau simeda di nggwen-gwau di digo yok.

MAZMUR 116:11

Tirigi dingon tai-tai bou ne dikan “Tungwatu nya yahagom ingon mang. Bit bon siba singon com yok bi sren.”

MAZMUR 140:12

Abindei ba, mun di buhun bibor cut igkep yo di iris mun ei nindigsi nya dip hak ug. Asindui sut ba, no di bibon hiter ninyeng kinei niyaijo ei dihyeisi dini au.”

NIPINGOK NINGONTI 26:24

No di ningon mang ba ninsi di mmau biris tungwatu nya noro ku ningon di koi kep yok bijo nding.

YESAYA 59:4

Jittei jide munhyet bijiya ei nikei noho bei lene jibipai kep hiter mikui-kausi. Nisren-srausi tti kin je bi. Jisuglai mun ba, jiba jingon com mun di ugwai-gwai he. Jitin ei jingon kanti mem gima jipai kep hiter ba, jibibon mun di kinei.

YEREMIA 9:8

Ighyet di tibim leu yuhui him nya buhun bibor ba, dem mem gima biyai nimai bak tungwatu cem dem kep tibor di iba krisieu ngei bidip niyenti cem. Ighyet di indat kep nya mpung tut niris mun ningkom he. Ikes igkep ighyet di mmau kei di brim ingon noro nijit ne ighyet nok bon di indin ri.

YEREMIA 12:6

Yo dima ibakilak na tu lo, yoni he bi noro bitut ade adig-ajoi nya cem. Yahagom ibicom yam mem gima ihwen na. Mbro nok gino ikes igkep ighyet di mmau kei lo, ma aba angon com yok au.”