MAZMUR 119:96 - ALLAH NIHYET MEM TUNGWATU NYA

⁹⁶ Dingat lo, mun nyeng hagom bon nohonti noro Ade nicukti nya kei-kau ba, bon nohonti bi sren.

MAZMUR 119:96 ပူးပေါင်းရင်းမြစ်များ

SAMUEL GI NICAN 14:25

Mben Israel yahagom inggei sut Absalom di nok pinai di ubbu ngat dor njiriek nindigsi nya yahagom. Ninghuisi kwes ba, bon nibok kin nimuhweisi hi ei nimig jou kikau ug bipek nibou nggram him bi.

SAMUEL GI NICAN 16:23

Ei nijam dima ne Absalom nya igyai hagom bit leu nok Ahitofel nipingok yokti lewo iba ingon srip huk bipia nipingok yokti dima tibim kwei leu Allah niji him. Daud kin Absalom yahacem ibit Ahitofel nipingok yoti.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

SAMUEL GI NICAN 18:14

Lene Yoab pai “Cobi! Sisimbot kep biyam tut gini nok gi dem tu!” Lene noni yai nide micim ningat ningai buug dat Absalom ningget mbiningai bram yam tirigi Absalom kinai ei biei nggramti bindun bet ei biniyaisi jo yo.

SAMUEL GI NICAN 18:17

Lene nide limwa nya icug Absalom ningut binjei ug ei jui nsi di jut bibor ei bigbehei pima leu api idingug tig mang bibor bijo-jo yam dip ser nuhuigya. Lene tentara Israel pima yok yahagom inang bingkwei hanyen ug ei itimieisi.

NIBA NINGON SRIP HUKTI 12:8

Gima rino dimbrap gi ningwig honti “Mun dima yok hagom mikui-kausi he. Hagom bon nisinati ba, ingon dorti tut cem bi.”

NIBA NINGON SRIP HUKTI 2:11

Noro niabiati bu ne dingkwei bidiyok diyai kep midyai di diyai nya kin dahanggwap di dicom ei midyai dima yokti di put hagom. Leu api dingon huk niti bipia gima ne mun di bit bon dingon dorti tut kan bi. Dem kep nok niyon igkep hou nimig.

NIBA NINGON SRIP HUKTI 7:20

Hi di kei-kau-kei ei dihyeisi dini bi. Hi di bon mun di kei kikau di bon sisar bi ningat rin bi sren.

MATIUS 24:35

Mpia-bbed him kin dihyeisi dini misar noro Da dihyet misar bi sren.”

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MATIUS 5:28

Noro tini bu ne dipai bije bipia no di ningon pri kep sop hi ba, ningon bisau sut gima cut tut noni lene no dima bon sisar nicut tut sopti ei ningonti ba, ningon mui su.

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

SAMUEL GI NIGOM 17:8

Goliat kiju biya lene kon nihyet bisrep huk kep mben Israel bipai “Jibon mindei ei sirima i? Mijikon pran e? Dani ne mben Filistin rin noro jeni jinok Saul de awak nya! Ma jicuk tungwagom leu jide tentara di mimbri kui ningkek kwei binitot yam.

SAMUEL GI NIGOM 9:2

No dini yai nipmot Saul di pinjoi ndig di ubbu bibor. No dini nintig bou jei bibor dor njiriek mben Israel nindigsi nya yahagom.