MAZMUR 119:36 - ALLAH NIHYET MEM TUNGWATU NYA

³⁶ Abindei ba, dijoi sut Ade nicukti dor njiriek leu gi diba doho rok ndigban nindig bibor.

MAZMUR 119:36 ပူးပေါင်းရင်းမြစ်များ

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

NIBOU NDIG NYA GI NIGOM 8:58

Handei kon ba, Noni bindei ba, nyeni yahagom ingon gom tut Noni ba, igyai mun bit leu ningon kanti mem nye cem lene ibit Nide nikos tutti kin nicuk nyeti nya di Noni yai bak idigup bat-idigai bat nya cem.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

MAZMUR 10:3

Yo di isibut irai pri tut ingon kanti di kinei bibor nya. Yo di idrui bou ngwak irom ighyet kui tuhan bikou sut Noni cem.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

MAZMUR 141:4

Ambres da ei minu ting leu yo di ingon pri tut nibon munti di kinei nya. Asindui sut ba, dibicom yam bit yo di ipigau ahyet ba, diyem njita bit yok ei ide pestati au.

NEHEI LEUSI 18:21

Noro ma ayai bit leu dingon kanti dini. Ma adimig pinai di ingon ki nya ibou poi leu api ata yok nok nibou mem ade limwa di imangti ibou sribu gom kin ibou sratus gom kin ibou ningot muhwi kin ibou ningot gom lene nok. Ma ata yo di ittin tut Allah bibit nihyet kin yo dino aba angon com yok kin yo di ingon ya mem gima tungwatu ingot kep yok bi cem.

PETRUS GI NICAN 2:14

Ingon nghen leu nibon kep sisarti bi. Igyai bong kep sop sundal nya lene iba ighyet di mmau biris yo di ingon nddong bi nya ba, idrui bou ngwak cem. Allah mbriom yok tu!

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

LUKAS 16:14

Tirigi Farisi nya imiap Yesus ningginausi lene ipa ndip Noni lewo iba yoho rok mitiei nindig bibor.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

HABAKUK 2:9

Jitug ndei nisigion jeti tu! Lewo jibindei ba, jide bat nya inyeng bibor tut mun di jiba jimbuk bipos leu tungwatu nya. Jingot jide ig di kei bibor kei leu binhyepo jide bat nya ibong kei igwam kei ei mpia di ting bibor leu mun di buhun kin mun di yok nisinsiou ei yoti.

EFESUS 5:3

Jeni ne Allah de limwa nya ri. Gima rino dem tut gima sisar nicut tut yamti kin nikrar kep yamti kin ningon pri kep mun di hiter mbun srig jikieti bi. Ma jibon nituti mem hiter ipai kep jinghapti tut mun dima yok au.