MAZMUR 119:34 - ALLAH NIHYET MEM TUNGWATU NYA

³⁴ Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

MAZMUR 119:34 ပူးပေါင်းရင်းမြစ်များ

NIBOHON MBEN ISRAEL GI NIGOM 22:12

Ade tuhan Allah miyai angon di binggok puig tut mun di abon kin angon di ki tut mun nyeng hagom cem bina leu binhyepo anyeng tak kep mben Israel bit leu tuhan niggai serti nya.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 119:10

Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:100

Dingon ki dor njiriek andig-ndau nya lewo dibit Ade nikos tutti nya.

MAZMUR 119:104

Ade niggai serti nya bindei bidingon ki. Gima rino dingon mpo tut nibon mun hacicanti.

MAZMUR 119:125

Dinok awak mem Nani. Abindei ba, dingon dor niti leu binhyepo dingon ki tut Ade ningginausi nya.

MAZMUR 119:130

Tirigi ambot kep tut Ade ningginausi ne ninjeng piga digai nye ba, biyai ningon ki bak yo di ingon mbum nya.

MAZMUR 119:144

Ade nikos tutti nya hagom sren-srau kei bijo ninno bijo kikau. Ma abindei bidingon dor niti leu binhyepo diyaijo.

MAZMUR 119:169

tuhan e, asindui sut ba, ditde nahara Nati hwou bipek Na. Ayai ningon di huk niti bida bit leu Ade nipreu eisi.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 119:58

Diba dingon titut bahara Na leu binhyepo angon nggriu sut da ba, angondut da bit leu Ade nipreu ei mem dati.

MAZMUR 119:66

Abindei ba, dingon ki ba, ditde nikos tutti nya hagom igbit lewo diba dingon com Ade nicukti nya.

MAZMUR 119:69

Yo di ingon jei nya ingwes om kep da bibor lo, diba dingon titut bibit Ade nikos tutti nya.

MAZMUR 119:73

Apai tes da ba, abibon jau da ei dipmem ninghopti. Ayai ningon huk niti bida mem gima dipikor ei Ade nicukti nya.

MAZMUR 39:2

Dikan “Misinyohou santi leu binhyepo siba sidwe bibon sisar bi. Gino yo di isibut ingat rin dideu sa lene sikou sut gima simbrap a.”

MATIUS 5:19

Gima rino no di pigau niggai serti dima poi mien leu api ngginau hiter cem tut nok migwam ei nohon keti ei Allah Ninyeng Tak Kepti. Noro no di bit niggai serti dima bingginau hiter cem tut nok miyai ninyeng di jei bibor ei Allah Ninyeng Tak Kepti.

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 4:11

He disut bat jen, ma jipai yam kinei ba, jibon jenti nok nikei mem hiter au. Tungwa tou rino pai nisut no di Kresten hi kinei bigwam nok nikei mem noni ningon mui lewo gima tereu nok noni gwam nok nikei mem Allah niggai serti. Gino agwam nok nikei mem Allah niggai serti lene gima dem kep nok agibit niggai serti dima bi noro agwam nok nikei mem.