MAZMUR 119:26 - ALLAH NIHYET MEM TUNGWATU NYA

²⁶ Dipai jit ditde nibon munti nya leu api abuhup dihyet tu. Angginau da tut Ade nimbrap tutti nya.

MAZMUR 119:26 ပူးပေါင်းရင်းမြစ်များ

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

MAZMUR 25:4

tuhan e, ando angon kanti bida. Ando mun di suar diyai kep nya bida.

MAZMUR 27:11

tuhan e, ma apingok dingonti leu binhyepo dikan igbit tut angon kanti mem da. Abuwak da kak puig di sren kei lewo ditde siceu nya imang ndig.

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

MAZMUR 119:12

tuhan e, dikon anyenga. Angginau da tut Ade nimbrap tutti nya.

MAZMUR 38:18

Mbigom midicut ba, ninggwenti bijo-jo yam dip kep da kikau.

NIBOU NDIG NYA GI NIGOM 8:36

lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

MAZMUR 119:106

Midiyai igbit Ade nipingok dati di sren kei nya bit leu nok dipreu ei mem Na tug hon neheng.

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.