MAZMUR 119:21 - ALLAH NIHYET MEM TUNGWATU NYA

²¹ Akon ahyet kep yo di ingon jei nya ba, asigion no di kriek leu Ade nicukti nya.

MAZMUR 119:21 ပူးပေါင်းရင်းမြစ်များ

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

MAZMUR 119:10

Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:118

Akou sut gi ikriek leu Ade nimbrap tutti nya. Igyok ingon gom mem niris ei tungwatu nya dip lo, igyaisi dima mikui-kausi he.

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

LUKAS 14:11

Lewo Allah moom kep no di bisau sut ninyeng jei noro Noni mikon bikwop no di om kep ningonti ninyenga.”

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

MAZMUR 119:110

Yo di imbuk nya ibon bon bitindei ser da noro diyai mun tunggwei Ade nikos tutti nya bi.

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

NINDAT KEP TUHAN NICUKTI NYA 28:15

“Noro gino jibit jide tuhan Allah nihyet ba, jiba jingon di gom bibit nicuk jeti nya kin nikos tutti nya di diyai bije njap di ammani hagom bi lene nisigionti dini yok hagom micut igkep jeni.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

YEREMIA 44:16

“Nikou sut gi ningig nitingou mem mun di apai binye gau tuhan ninyeng dima.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YESAYA 42:24

Tou rikes mben Israel ei nipos kep mun cig nya inda nsi i? tuhan Nonti ri! Nyeni ibon sisar tut Noni ba, itunggwei sut nihyet cem. Ibit ningginausi nya bi cem.

YESAYA 10:12

Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

MAZMUR 119:78

Nna ba yo di ingon jei immai sut yonti drek dip gi iris mun ei da dip. Noro tut dani ne midiba dingon bisrip huk Ade nicukti nya.

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

NEHEMIA 9:16

Noro jei bi ne nyeni nidigup bat-nidigai bat pima yok ingon jei ba, ingkek ndok cem ba, ingon mpo tut Ade nicukti nya cem.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.