MAZMUR 119:150 - ALLAH NIHYET MEM TUNGWATU NYA

¹⁵⁰ Yo di isibut nya yuhuk-huk nyen da ba, idideu su. Yo dima igimiap kep Ade nikos tutti nya bi.

MAZMUR 119:150 ပူးပေါင်းရင်းမြစ်များ

SAMUEL GI NICAN 17:16

Bipai biyok “Ma jibipbur ba, jibinut dihyet dini bak Daud ser nhyema noni bong ei nisigon Minyei Yordanti mem mmun dini au. Noro suar noni sigon minyei ug ei iggum ndigsi leu binhyepo nide siceu nya mikat noni kin nide limwa nya bigyai nimai biyok bi.”

AYUB 21:14

Mbro nok gima lo, ipai bak Allah “Aom na minu ting leu nye ba, aug leu nye! Nyeni niginjor akos tutti kin angon kanti mem nyeni ba, nijoi sut ningon huk niti tut bi.”

MAZMUR 22:16

Dikibou ngak-cai dem kep nok hum pimbang di ndung ba, didwep rap duhui him. Na di tuhan e, akes da bidibong ei dihyei nindungti tereu dimai su.

MAZMUR 27:2

Tirigi yo di isibut nya ihwen da bigyai nimai bida lene yoni rima indrat ndiyok bikinoi ug ei dihyeisi.

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 28:9

Gino abit Allah nicukti bi ne ningon him wei sut nadi di tibim ei ahui him.

YESAYA 59:11

Nittinti kin ningon nggukti jo kep nye ba, ninggok tut ningon nisrenti noro gima pek kep mem nye bi. Niyok ningon mem no di miteu nye biningwes ngun lo, gima mikui-kausi he.

YESAYA 59:14

Nibison Ade nikos tutti nya ug ei puig nghas ba, nibindei ningon srenti jo ting leu su. Nikiek ningha bak nikei nikos tutti di igbit ba, nison nijit-jausi ug ei puig nghas tu.

SAMUEL GI NIGOM 23:16

Lene Yonatan ug ngat noni ei sirima bipingok ningonti lene bindei ba, Daud ningon ngkiem lene ba ningon com bipia Allah minyohou noni cem.