MAZMUR 119:144 - ALLAH NIHYET MEM TUNGWATU NYA

¹⁴⁴ Ade nikos tutti nya hagom sren-srau kei bijo ninno bijo kikau. Ma abindei bidingon dor niti leu binhyepo diyaijo.

MAZMUR 119:144 ပူးပေါင်းရင်းမြစ်များ

MAZMUR 119:138

Nicukti di atri tut binye nya hagom sren-srau ba, nddong kei cem.

MAZMUR 119:151

Noro tuhan e, angat rin simiak da ba, Ade nicukti nya hagom ne igbit ri.

MAZMUR 119:152

Nipou ne dipikor ei Ade ningginausi di atak buk kep bijo ninghig-niker.

MAZMUR 119:169

tuhan e, asindui sut ba, ditde nahara Nati hwou bipek Na. Ayai ningon di huk niti bida bit leu Ade nipreu eisi.

MAZMUR 119:17

Ma asingat tut Ade awak di dani ba, aya ser diyaisi leu binhyepo dibit Ade ningginausi nya.

MAZMUR 119:34

Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

MAZMUR 119:66

Abindei ba, dingon ki ba, ditde nikos tutti nya hagom igbit lewo diba dingon com Ade nicukti nya.

MAZMUR 119:73

Apai tes da ba, abibon jau da ei dipmem ninghopti. Ayai ningon huk niti bida mem gima dipikor ei Ade nicukti nya.

MAZMUR 19:9

tuhan nidimigsi dima ne dem kei ba, bindei yo di yahagom di ibit nya ingon llei bibor. tuhan nimbrap tutti nya ne kwes-kwau ba, bindei tungwatu nya ingon dor niti.

NIPINGOK NINGONTI 10:21

No di ningon kwes kei nihyet noyam kin ningat di kei di njei bak yo di imang bibor. No di ningon mbum nide ningon mbumti biyai nimai bak nonti njem.

NIPINGOK NINGONTI 4:4

dicig ngginau da bipai “Ayok ngon kep ditde nipingok nati nya lene ma abbwe ser au. Abindei mbut ditde nipingok nati nya leu binhyepo ade niyaijoti mpung tut ningon nggei-hi-nggeisi.

NIPINGOK NINGONTI 7:2

Abit ditde nipingok nati nya leu binhyepo ayaijoti kei bibor kei. Ayok ngon kep ditde ningginau nati ba, anyohou hagom dem kep nok no di nyohou nonti niyai njep.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

DANIEL 12:10

Yo di imang bibor itug ndei ingon di kwes kei tug hon mun di bingon yok. Yo di ibon kep mun di kinei bibor nya ingon huk niti bi. Leu api ibon mun di kinei bibor kikau. Yo di ingon ki nya he rima ingon huk niti a.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

MATIUS 13:19

Njita ngan di cut ug ei puigsi bindo tut yo di intu kep nihyet tut Allah Ninyeng Tak Kepti noro imiap ba, ingon dorti bi. Apino Bilis kwei pos nihyet di cut ug ei ingonti.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.