MAZMUR 119:141 - ALLAH NIHYET MEM TUNGWATU NYA

¹⁴¹ Dibon dinyeng bi ba, tungwatu nya ingwes om kep da cem noro dingon hou ser Ade ningginausi nya bi.

MAZMUR 119:141 ပူးပေါင်းရင်းမြစ်များ

MAZMUR 119:109

Mbro nok gino ditin ei mem diyai nimai bikwop mmun-njap hagom lo, dingon prion ser Ade nikos tutti nya bi.

MAZMUR 119:16

Ade nimbrap tutti nya hagom bindei bidingon kei. Midibbwe ser Ade ningginausi nya bi.

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 22:6

Yahara Nani lene ateu yok leu mun di buhun ba, ingwes ngun. Iba ingon com Na apino ingon pus tut Na bi.

MAZMUR 40:17

Dijoi sut gima yo di ikuk yok biNa yahagom ingon nggei-hi-nggei ba, yo di inggok tut Na yahagom ingon llei bibor cem. Handei kon ba, yo di ateu yok leu sisar nya yahagom ipai sigyo hanyen biNa bipai-pai nyen “Mbenjen! tuhan ninyeng jei bibor!”

NIPINGOK NINGONTI 15:16

Mbro nok gino ade ndigban gom-gom he lo, gino attin tut tuhan lene gini kei bibor leu gima ade ndigban nindig bibor lo, angon bos-bos nyen tut.

NIPINGOK NINGONTI 16:8

Nitug ndei nimuhup poi mienti tug hon ningon di gom bon ninyeng dor njiriek nitug ndei nimuhup nindig tug hon ningon mangti.

NIPINGOK NINGONTI 19:1

Gino ahui mbum ba, angon gom ne gima kei dor njiriek no di ningon tindur biris mun igkei.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

LUKAS 6:20

Lene Yesus tou kep yo di ibit Noni bipai biyok, “Bikwop yo di yuhui mbum ingon nggei-hi-nggei lewo inggre kin Allah ninyeng tak kepti tu!

LUKAS 9:58

Yesus buhup “Nsien bigbehei nya ibong kikepti nonaha lene ha nya cem ibas nonaha noro Munggwom Tungwatu Nipmot bon nibongti hi bi.”

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.