MAZMUR 119:120 - ALLAH NIHYET MEM TUNGWATU NYA

¹²⁰ Didigit lewo dittin tut Nani ba, didigit tut Ade nikos tutti nya.

MAZMUR 119:120 ပူးပေါင်းရင်းမြစ်များ

NIBOU NDIG NYA GI NICAN 22:11

Tirigi nibou ndig miap nihyet dima rino noni rik nide sinsun ei nonti him lewo ningon buhun bibor.

NIBOHON MBEN ISRAEL GI NIGOM 24:30

Musi yai nipmot bat nya ibou ningai di inyeng rino Mahli kin Eder kin Yerimot. Yo dini ne nibou mem nimpung ig bei nsi nya ei keret Lewi ri.

NIBOHON MBEN ISRAEL GI NICAN 34:21

“Juug ba, jihig ser tuhan mem dani kin limwa nya di ingat rin ei minu Israel kin minu Yehuda tut mun di jo srat diniti. tuhan gga nye drek dip idigup bat-idigai bat nya di ibit nicuk nyeti di jo srat diniti e, he bi e?”

NIBOHON MBEN ISRAEL GI NICAN 34:27

anso nanti tut leu api aboom nanti tut ei Doho bei. Ditin ei mem gima dihwen minu ndig Yerusalem bidikes hukum ei dip. Noro tirigi amiap tut dihyet dima rino apim ba, arik sinsun di ajuk ser angkek dip cem nok bindo tut angon di ngguk. Dimiap kep ade nadi tu ba,

AYUB 23:15

Dittin tut Noni apino digwam ei nidigitti. Gino dikan-kan nyen tut nidigitti dima ne dittinti cem kum eisi kikau.

AYUB 31:23

Bit bon dibibon moibihi nok gima kan bi lewo dingon digit tut hukum di Allah mikes ei da dip.

MAZMUR 119:53

Dingon sibui sut yo di isibut bibor nya lewo ikes Ade nicukti nya bijo hak ei tu.

MAZMUR 88:16

Ditug midut habiei dimien kwei ba, nimai yok niyai kep da. Ditug ndei hukum di akes ei da dip lene gima bindei ba, dinghuisi wei bibor.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

IBRANI 12:21

Mun di ingat bou igyai him dima bindei ba, idigit tut bibor apino Musa pai “Didigit tut bidittin bibor.”

SAMUEL GI NIGOM 6:20

Lene mben Bet-Semes ipai biyam “Nyeni ne dem mem gima tuhan ningat rin ei nyeni ikieti bi. Ma ipinak Nide Brua Gi Preu ug ei sitou leu binhyepo jo minu ting bibor leu nye i?”